![](https://www.dakhalnewsbharat.com/wp-content/uploads/2024/09/IMG-20240904-WA0016.jpg)
![](https://www.dakhalnewsbharat.com/wp-content/uploads/2023/11/photo_2023-11-16_09-08-22.jpg)
युवराज डोंगरे/खल्लार
खल्लार नजिकच्या दारापूर येथील दादासाहेब गवई चॅरिटेबल ट्रस्ट द्वारा संचालित असलेल्या विक्रमशिला तंत्रनिकेतन मधिल कर्मचाऱ्यांनी दारापूर येथे दि 5 एप्रिल पासून बेमुदत असहकार आंदोलनाला सुरुवात केली आहे.
विक्रमशिला तंत्रनिकेतनमध्ये एकुण 66 शिक्षक व शिक्षकेतर कर्मचारी कार्यरत आहेत.तंत्रनिकेतनच्या हितासाठी हे कर्मचारी गेल्या अनेक वर्षांपासून नियमित सेवेवर रुजू आहेत. परंतु गत काही वर्षांपासून कर्मचाऱ्यांच्या सेवेविषयीच्या तक्रारी उदयास आल्या आहेत.वाढत्या समस्यांचे निवारण करण्याकरीता कर्मचाऱ्यांनी अनेकदा तंत्रनिकेतनचे प्रभारी प्राचार्य मनिष पाटील व ट्रस्टचे सचिव प्रा पि आर एस राव यांना वारंवार निवेदने दिलीत परंतु त्या तक्रारीकडे सचिवानी दुर्लक्ष केले.
कर्मचाऱ्यांनी तक्रारींचे निवारण करण्याकरिता अधिकृतरित्या कर्मचारी संघटनेची स्थापना केली असून तंत्रनिकेतन मधिल तक्रार निवारण समितीस 10 मार्च 2023 रोजी तक्रार दाखल केली आहे. परंतु प्रभारी प्राचार्या यांनी यावर कुठलाही अहवाल सादर केला नसुन संस्थेचे सचिव यांनी तंत्रनिकेतन मधिल कर्मचाऱ्यांचे हजेरीपत्रक बंद करण्याकरिता प्राचार्याना तोंडी आदेश दिले आहेत सर्वोतोपरी कर्मचाऱ्यांचे खच्चीकरण कसे होईल याचा प्रयत्न व्यवस्थापणा मार्फत सुरु असल्याची ओरड कर्मचाऱ्यांची आहे.
कर्मचारी आधीच आर्थिक विवंचनेत आहेत. तंत्रनिकेतन मधिल चालत असलेला प्रकार निंदनीय आहे. याच प्रकारातून जर भविष्यात कुण्या कर्मचाऱ्यांची जिवीतहानी झाली तर त्यास व्यवस्थापन जबाबदार राहील अशी आर्त हाक कर्मचाऱ्यांनी दिली असून या सर्व अनुषंगाने विक्रमशिला तंत्रनिकेतन दारापूर येथील शिक्षक, शिक्षकेतर कर्मचारी यांनी संघटनेच्या वतीने बेमुदत असहकार आंदोलन पुकारले असून कर्मचाऱ्यांच्या तक्रारींचे निवारण न केल्यास आंदोलन तिव्र करण्यात येईल असे संघटनेचे अध्यक्ष प्रा मोहीत गावंडे, उपाध्यक्ष प्रा सुकेश कोरडे, सचिव प्रदीप मोहोड यांनी संघटनेच्या वतीने कळविले आहे.