ऋग्वेद येवले
उपसंपादक
दखल न्यूज भारत
साकोली : नवजीवन कॉन्व्हेंट एंड इंग्लिश प्राय. स्कुल (सीबीएसई) साकोली येथे जागतिक महिला दिन साजरा करण्यात आला. या कार्यक्रमासाठी शाळा व्यवस्थापक विनोद किरपान, अध्यक्ष प्राचार्य भारती व्यास, प्रशासकीय अधिकारी सतिश गोटेफोडे व पर्यवेक्षिका वंदना घोडीचोर उपस्थित होते.
कार्यक्रमाची सुरूवात भारतीय स्त्री शिक्षणाच्या जननी ज्ञानाई सावित्रीबाई फुले, भारतमाता, राजमाता जिजाऊ, झाशीची राणी लक्ष्मीबाई, अहिल्याबाई होळकर व मदर तेरेसा यांच्या प्रतिमेचे पूजन व माल्यार्पण करुन करण्यात आली.
महिला दिनाचे औचित्य साधून शाळेतील महिला व वर्ग ६ ते १० च्या विद्यार्थीनीच्या संरक्षणासाठी स्वंय संरक्षणाचे प्रशिक्षण प्रशिक्षक कु.वैष्णवी नंदेश्वर व श्रीधर खराबे यांच्या मार्गदर्शनात देण्यात आले. कार्यक्रमाचे अध्यक्ष प्राचार्य भारती व्यास यांनी विद्यार्थ्यांना महिला दिनाविषयी माहिती दिली.
शाळेतील स्त्री शिक्षकांनी विविध भारतीय थोर महिलांचे वर्णन आपल्या शाब्दीक रुपातून त्यांचे वास्तवीक दर्शन विद्यार्थ्यांना घडवून दिले. कार्यक्रमाचे अध्यक्ष यांनी महिला दिनाच्या शुभेच्छा दिल्या. कार्यक्रमाच्या यशस्वीतेसाठी शिक्षकवृंद व शिक्षकेतर कर्मचारी यांचे मोलाचे सहकार्य लाभले.
