ऋग्वेद येवले
उपसंपादक
दखल न्यूज भारत
साकोली :- नवजीवन कान्व्हेंट एंड इंग्लिश प्राय. स्कूल सीबीएसई साकोली येथे हुतात्मा दिनाचा कार्यक्रम साजरा करण्यात आला. या कार्यक्रमाचे अध्यक्ष प्रशासकीय अधिकारी विनोद कीरपान, पर्यवेक्षिका वंदना घोडीचोर, वरिष्ठ शिक्षिका भारती व्यास उपस्थित होते. कार्यक्रमाची सुरुवात राष्ट्रपिता महात्मा गांधी यांच्या प्रतिमेचे पूजन व माल्यार्पण करून करण्यात आली.
कु. वंशिका पुस्तोडे वर्ग ९वीच्या विद्यार्थिनीने राष्ट्रपिता महात्मा गांधी यांच्या जिवनकार्याविषयी अतिशय मोलाची माहिती विद्यार्थ्यांना दिली. तसेच आजच्या दिवसाला हुतात्मा दिन का म्हणतात याविषयी मार्गदर्शन केले. क्षमा हे बलवानांच लक्षण आहे. दुर्बल कधीच क्षमा करीत नाही या तत्त्वाचे अवलंब करावे, तसेच या महान देशभक्त राष्ट्रपिता यांचे गुण अंगिकरून देशकार्यात सहभागी व्हावे असे आव्हान केले. कार्यक्रमाचे संचालन कु. वंशिका पुस्तोडे हिने केले.
