राजेंद्र रामटेके
ग्रामीण तालुका प्रतिनिधी कुरखेडा..
देसाईगंज नगरपरिषदे अंतर्गत येणाऱ्या जुनी वडसा येथील शेतकऱ्यांवर ऐन मकरसंक्रांत सणाच्या दिवशी म्हणजेच आज,मंगळवारी १४ जानेवारीला सकाळी ९ ते ९.३० वाजेच्या दरम्यान वाघाने हल्ला चढविल्याची घटना येथील शेतशिवारात घडली.
श्री.गणपत केशव नखाते वय ४६ वर्षे, रा.जुनी वडसा,ता. देसाईगंज असे जखमी शेतकऱ्याचे नाव आहे.
प्राप्त माहितीनुसार,शेतकरी गणपत नखाते हे आज सकाळच्या सुमारास नेहमी प्रमाणे गावापासून एक किलोमिटर अंतरावर असलेल्या आपल्या शेतावर गेले होते.
अशातच शेतावर कामे करीत असतांना गणपत यांचेवर अचानकपणे मोठ्या वाघाने मागेहून हल्ला चढवला.हल्ला चढवताच त्यांनी आरडा ओरड केली.
आरडा ओरड करताच परिसरातील शेतकरी तसेच मकरसंक्रांती सणा निमित्त नदी तीरावर जाणाऱ्या नागरिकांनी घटनास्थळी धाव घेतली.
घटनास्थळी मोठ्या संख्येने नागरिक गोळा झाल्याने वाघाने जुनी वडसा शेतशिवारातून कुरुड गाव परिसराकडे धूम ठोकली.घटनास्थळावर काहीकाळ बघ्यांनी मोठी गर्दी केली होती.
जखमी शेतकऱ्यास नागरिकांनी तात्काळ देसाईगंज ग्रामीण रुग्णालयात दाखल केले.वाघाने मागेहून हल्ला चढवत गणपत नखाते यांच्या पाठी मागील खालील भागावर पंजा मारून जखमी केले आहे. सदर घटनेची माहिती देसाईगंज वन विभागास देण्यात आली.
त्यानुसार वन विभागाचे वन परिक्षेत्र अधिकारी धोंडणे, वनक्षेत्र सहाय्यक के.वाय.कऱ्हाडे,सह वन कर्मचारी घटनास्थळी दाखल झाले होते,त्यांचेकडून वाघावर पाळत ठेवण्यात येत आहे.
