चिमूर तालुक्यातील मौजा कोटगाव येथे ज्ञानज्योती-क्रांतीज्योती सावित्रीबाई फुले यांची जयंती उत्साहात साजरी… — सावित्रीबाई फुले महिला मंडळ,बौध्द पंच कमेटी,जि.प.प्रा.शाळा व अंगणवाडी यांचा रॅलीत सहभाग…

   उपक्षम रामटेके 

मुख्य कार्यकारी संपादक 

      स्त्री शिकली,”धर्म बाटला,पासून मुलगी शिकली,प्रगत झाली,असं व्यवस्थेला म्हणायला भाग पाडणारी,स्त्री शिक्षणासाठी स्वतः पिडणारी,आजच्या शिकून शाहण्या झालेल्या सर्व महिलांना मार्गदर्शक असणारी,क्रांतीची ज्योत सदैव तेवत ठेवणाऱ्या ज्ञानज्योती तथा क्रांतीज्योती सावित्रीबाई फुले यांच्या जयंती दिनानिमित्त चंद्रपूर जिल्ह्यातंर्गत चिमूर तालुक्यातील मौजा कोटगाव येथे विविध कार्यक्रमांच्या माध्यमातून साजरी करण्यात आली.

         काल सायंकाळी खुटाळा येथील महिला भजन मंडळा द्वारे मौजा कोटगाव येथील महिलांना आणि नागरिकांना समाजप्रबोधन करण्यात आले.

        यानंतर सकाळी ज्ञानज्योती सावित्रीबाई फुले यांच्या सन्मानार्थ मोठ्या उत्साहात गावातून रॅली काढण्यात आली.

          क्रांतीज्योती सावित्रीबाई फुले यांच्या जयंती दिनानिमित्त त्यांच्या सन्मानार्थ काढण्यात आलेल्या रॅलीत सावित्रीबाई फुले महिला मंडळाच्या सर्व पदाधिकारी व सदस्या,बौध्द समाज बांधव,जिल्हा परिषद प्राथमिक शाळेचे मुख्याध्यापक,साहाय्यक शिक्षक,विद्यार्थी,अंगणवाडी सेविका,मदतनीस व बालक सहभागी झाले होते.

       यानंतर ज्ञानज्योती सावित्रीबाई फुले यांच्या जिवनावर आधारित प्रकाश टाकण्याकरीता मार्गदर्शन कार्यक्रमाचे आयोजन करण्यात आले होते.

          सदर मार्गदर्शन कार्यक्रमाला मार्गदर्शक म्हणून केंद्रीय उत्पादन शुल्कचे सुपर क्लाॅसवन अधिकारी मिलिंद रामटेके,चिमूर पंचायत समितीचे माजी उपसभापती स्वप्निल मालके,माजी पंचायत समिती सदस्या सौ.भावनाताई बावनकर,माजी प.स.सदस्य तथा राष्ट्रीय काँग्रेस किसान सेलचे चिमूर तालुका अध्यक्ष राजू कापसे,ग्रामपंचायत सरपंच सौ.मुक्ताताई गिरीधर कापसे आणि इतर मान्यवर उपस्थित होते.

       सर्व मान्यवरांनी क्रांतीज्योती सावित्रीबाई फुले यांच्या जिवन पटलावर सविस्तर प्रकाश टाकलाय.

      मार्गदर्शनाचा कार्यक्रम संपन्न झाल्यानंतर सहभोजनाचा कार्यक्रम घेण्यात आला.

              कार्यक्रम यशस्वी करण्यासाठी सावित्रीबाई फुले महिला मंडळाच्या अध्यक्षा सौ.सुनीता रामटेके,सचिव गुलजनबाई खोब्रागडे,सदस्या सौ.विनाताई रामटेके,सौ.निरंजनाताई रामटेके,सौ.पोर्णिमा रामटेके,सौ.दर्शना रामटेके,सौ.गैनाबाई रामटेके,सौ.कुमूद रामटेके,सौ.कुसूम रामटेके,सौ.येशोधराबाई पाटील,सौ.महानंदाताई रामटेके,सौ.प्राणशिला खोब्रागडे,सौ.प्रेमीला जांभुळे,श्रिमती दुर्गाताई वाघमारे,सौ.संघमित्रा खोब्रागडे,सौ.वनीता राऊत,सौ.कांताबाई वासनिक,सौ.सवीताताई शेंडे,श्रिमती वनमाला शेंडे,सौ.रवीना रामटेके,आणि इतर सर्व महिला भगिनींनी विशेष परिश्रम घेतले.

          क्रांतीज्योती सावित्रीबाई फुले यांच्या जयंती दिनानिमित्त कार्यक्रमाचे आयोजन करणाऱ्या सर्व महिला या सांस्कृतिक कार्यक्रमाद्वारे नेहमी समाज प्रबोधनाचे कार्य करतात हे विशेष.