उपमुख्यमंत्री अजितदादा पवार आणि दत्तामामा भरणे यांच्या प्रयत्नामुळे इंदापूर तालुक्याला साडेसहा हजार कोटी रुपये निधी,यामुळे तालुक्याचा काया पालट :- रूपालीताई चाकणकर.. — अतुल व्यवहारे सह कार्यकर्त्यांचा अजितदादा पवार यांच्या राष्ट्रवादी काँग्रेस पक्षामध्ये प्रवेश..

 बाळासाहेब सुतार

निरा नरसिंहपुर प्रतिनिधी

           इंदापूर तालुका इंदापूर येथील संत शिरोमणी सावता महाराज यांनी समाजात भक्ती मांडली,तसे आमदार दत्तात्रय भरणे जे समाजासाठी काम करतात,त्याच कामात माझा देव आहे. भक्ती आहे,त्यामुळेच उपमुख्यमंत्री अजित पवार यांनी बारामती नंतर सर्वात जास्त निधी कोणाला दिला असेल तर तो इंदापूर करांना दिला आहे.

        साडेसहा हजार कोटी निधी दिला असल्याबद्दल आमदार दत्तात्रय भरणे यांच्याबद्दल राज्य महिला आयोगाच्या अध्यक्षा रूपालीताई चाकणकर इंदापूर येथील दत्तामामा भरणे यांच्या प्रचार दौऱ्याप्रसंगी गौरवोद्गार काढले.

       संत सावता माळी मंदिर सावता माळीनगर इंदापूर येथे रविवारी (दि.10) राष्ट्रवादी काँग्रेस पक्ष (अजितदादा पवार) या पक्षात कर्मयोगी शंकरराव पाटील सहकारी साखर कारखान्याचे संचालक अतुल नानासाहेब व्यवहारे यांनी पक्ष प्रवेश रूपालीताई चाकणकर यांच्या उपस्थितीत पक्ष प्रवेश केला.

            जाहीर पक्षप्रवेश चाकणकर यांच्या हस्ते व इंदापूर विधानसभा मतदारसंघाचे राष्ट्रवादी काँग्रेसचे उमेदवार माजी राज्यमंत्री दत्तात्रय मामा भरणे, पुणे जिल्हा अध्यक्ष प्रदीप गारटकर, जिल्हा बँकेचे संचालक आप्पासाहेब जगदाळे, पक्षाचे प्रवक्ते डॉक्टर शशिकांत तरंगे, माजी जिल्हा परिषद सदस्य श्रीमंत ढोले यांच्या प्रमुख उपस्थितीत केला.

          रूपाली ताई चाकणकर पुढे म्हणाल्या,की राज्यात चांगल्या पद्धतीचे रस्ते तसे इंदापूर तालुक्यात झाले. त्यामुळेच लोक मला सांगतात. कोणत्याही गावाला जावा, वाड्या वस्त्यावर चकाचक रस्ते दिसतील.

          हे फक्त झालं ते मामांच्या विकास कामांमुळेच, इंदापूर तालुक्यात 1 लाख 5 हजार महिला भगिनींना थेट सरकारकडून महिलांच्या खात्यात पैसे जमा होतात. ही राजकारणाच्या इतिहासातील पहिली घटना आहे. 

           या योजनेला कोणीही मध्यस्थी नाही, बऱ्याच महिलांचे जोडखाते होते. मात्र स्वतंत्र खाते या योजनेमुळे झाले. महिलांना आर्थिक स्वावलंबन मिळाले आहे. 

            विरोधकांना जनतेसमोर जाताना काही कामे नाहीत, योजना नाहीत. आपण शिरसवडीचा पूल काही दिवसांपूर्वी मंजूर केला. हा पूल झाल्यानंतर, इंदापूर शहरातील मार्केटला किती चांगले दिवस येणार आहेत. किती मोठा विकासात बदल होईल. या गोष्टीचे विरोधकांनी कौतुक करायला पाहिजे होते, मात्र या होणाऱ्या पुलावर टीका केली हे बरोबर नाही.

           दत्तात्रय मामा भरणे म्हणाले की, शासनाने लाडक्या बहिणींसाठी, शेतकऱ्यांच्या हितासाठी, सुशिक्षित बेरोजगारांच्या हाताला काम मिळण्यासाठी, अभिनव योजना आणल्या.

           यामुळेच महिलांची तरुणांची युवकांची प्रगती झाली. गॅस सिलेंडर वर्षाला तीन फ्री देऊन गरीब कुटुंबाचे कल्याण सरकारने केले आहे. युवक नेते अतुल व्यवहारे यांनी योग्यवेळी निर्णय, घेतल्यामुळे, तालुक्याच्या हिताच्या गोष्टी होणार आहेत.

              त्यामुळे आगामी काळात राष्ट्रवादी काँग्रेसच्या माध्यमातून अतुल व्यवहारे यांना ताकद दिली जाईल. अशी ही ग्वाही उमेदवार आमदार दत्तात्रय मामा भरणे यांनी दिली यावेळी दिली.