रामदास ठुसे
विशेष विभागीय प्रतिनिधी..
चिमुर :- तालुक्यातील सातारा येथील ग्रामपंचायत सरपंच गजानन धनराज गुळधे गेल्या चार वर्षापासून सरपंच पदावर विराजमान आहेत.
ग्रामपंचायतचे कार्य करीत असंताना ग्राम विकासाची संकल्पना सुंदर पध्दतीने राबवीत आहेत.
त्यात प्रामुख्याने वं. राष्ट्रसंत तुकडोजी महाराज वाचनालयाची निर्मीती,हागदारी मुक्त गाव,घर तिथे नळाद्वारे शुध्द पाणी,घनकचरा व्यवस्थापन,सांडपाण्याची विल्हे- वाट,वृक्ष संगोपन,व्यायाम शाळा इ.कार्यातून गावाला सुंदर व सुरेख रुप प्राप्त करून दिले आहे.
आपल्या प्रशंसनिय कार्याबद्दल राष्ट्रसंत तुकडोजी महाराजांच्या ५६ व्या पुण्यतिथी निमित्त गुरुकुंज आश्रम मोझरी येथे,”राज्य स्तरीय गुरुदेव जीवन गौरव पुरस्काराने गजानन धनराज गुळधे यांना सम्मानित करण्यात आले..
