ऋग्वेद येवले
उपसंपादक
दखल न्युज भारत
साकोली :- डॉ. बाबासाहेब आंबेडकर तंत्रनिकेतन लोणारे यांच्यावतीने आयोजित नागपूर विभागीय आंतरमहाविद्यालयीन स्पर्धा ईश्वर देशमुख शारीरिक शिक्षण महाविद्यालय, नागपूर येथे पार पडली.
एथलेटिक्स स्पर्धेत १५०० मीटर स्पर्धेमधे पुरुष वर्गात उज्वल मेंढे याने प्रथम क्रमांक पटकाविला, ५००० मीटर स्पर्धेमधे पुरुष वर्गात पंकज डोंगरवार याने प्रथम क्रमांक पटकाविला तसेच महिलांचा १०० मीटर स्पर्धेत जान्हवी जांभुळकर हिने द्वितीय क्रमांक पटकाविला. करंजेकर महाविद्यालयाने शासकीय महाविद्यालयाचा पराभव करून खो-खो चे विजेतेपद पटकावले तसेच महिलांच्या कबड्डी स्पर्धेत उपविजेतेपद पटकावले.
यामधे भाग्यश्री भोसकर, जान्हवी जांभुळकर, पल्लवी लांजेवार, जयश्री डोंगरवार, युक्ती गिर्हपुंजे, विद्या पटले, मीनल जनबंधू, जुही राऊत, माहेश्वरी रोकडे, साक्षी खंडारे, वेदिका इटवले, संजना यादव, अंजली मेश्राम या विद्यार्थ्यांचा सत्कार करण्यात आला.
त्यावेळी संस्थापक अध्यक्ष डॉ. ब्रह्मानंद करंजेकर, संस्थेच्या सचिव डॉ. वृंदाताई करंजेकर, संस्थेचे अध्यक्ष डॉ. सोमदत्त करंजेकर उपस्थित होते. या प्रसंगी मान्यवरांनी मोलाचे मार्गदर्शन करतांना खेळाडूंना अभ्यासाबरोबर जिवनात खेळांचे महत्त्व पटवून दिले व पुढील खेळांसाठी मुलांना शुभेछा दिल्यात.
महाविद्यालयाचे प्राचार्य डॉ. नागेंद्र डहरवाल, उपप्राचार्य प्रा. रोशन गायधने, क्रीडा प्रभारी प्रा.शुभम कापसे, प्रा.पायल वडीचार ,डॉ. जितेंद्र कुमार ठाकुर व सर्व प्राध्यापक वर्ग आणि इतर कर्मचारी यांनी सहकार्य केले.
