दिनेश कुऱ्हाडे
उपसंपादक
पुणे : आळंदी नगरपरिषदेच्या निधीतून उभारण्यात आलेल्या तुळशी वृंदावन वास्तुशिल्पाचे मुख्यमंत्री एकनाथ शिंदे यांच्या हस्ते संत ज्ञानेश्वर महाराज पालखी सोहळा प्रस्थान दिनी उद्घाटन करण्यात आले.
यावेळी खासदार श्रीरंग बारणे, मुख्यमंत्री वैद्यकीय सहायता कक्षाचे प्रमुख मंगेश चिवटे, नगर परिषदचे मुख्याधिकारी कैलास केंद्रे, अक्षय महाराज भोसले, शिवसेना जिल्हाप्रमुख भगवान पोखरकर, नितीन गोरे, शिवसेना शहरप्रमुख राहुल चव्हाण उपस्थित होते.
यावेळी मुख्यमंत्री वैद्यकीय सहायता निधी अंतर्गत वारकऱ्यांसाठी मोफत आरोग्य शिबीराचे उद्घाटनही करण्यात आले. मुख्यमंत्र्यांच्या हस्ते डॉ.श्रीकांत शिंदे फाउंडेशनच्यावतीने वारकऱ्यांना छत्र्यांचे वितरण करण्यात आले.
मुख्यमंत्री वैद्यकीय सहायता निधीमधून रुग्णांना अर्थसहाय्य मिळवण्याची प्रक्रिया निःशुल्क असून गेल्या २ वर्षात २७५ कोटींची वैद्यकीय मदत गरजूंना देण्यात आली आहे. त्यामुळे ३५ हजार रुग्णांचे प्राण वाचले आहेत.मुख्यमंत्री वैद्यकीय सहायता निधी कोणत्या आजारांसाठी देण्यात येतो व निधी मिळवण्यासाठी आवश्यक कागदपत्रांची माहितीही यावेळी देण्यात आली.
