चेतक हत्तीमारे

जिल्हा प्रतिनिधी

 

लाखनी:- 

    ग्रीनफ्रेंड्स नेचर क्लब लाखनी व वनक्षेत्र कार्यालय लाखनी यांचे संयुक्त विद्यमाने ‘नो व्हेईकल्स डे’,ओझोन डे,जागतिक ह्रदय दिन तसेच वन्यजीव सप्ताह (1ते 7 ऑक्टोम्बर 2022)च्या निमित्ताने आयोजित ‘नेचर पार्क लाखनी ते गडेगाव डेपो व परत नेचर पार्क’ असे एकूण 16 किमी ‘ग्रीन सायकल रॅली’ला उत्स्फूर्त प्रतिसाद लाखनीवासीयांनी देऊन ‘सायकल चालवा- प्रदुषण टाळा’,सायकल चालवा-आयुष्य वाढवा’ चा संदेश या भव्य ग्रीन सायकल रॅलीद्वारे लाखनीवासीयांना दिला.

   सर्वप्रथम लाखनी बसस्थानकावर ग्रीनफ्रेंड्स नेचर क्लबने तयार केलेल्या ‘नेचर पार्क’वर ग्रीनफ्रेंड्स नेचर क्लबचे पदाधिकारी,मानव सेवा मंडळाचे सदस्य ,वनक्षेत्र कार्यालय लाखनीचे वनक्षेत्राधिकारी व राऊंड ऑफिसर, फॉरेस्ट गार्ड तसेच राणी लक्ष्मीबाई कन्या विद्यालय लाखनीचे व सिध्दार्थ विद्यालय सावरीचे हरितसेनेचे सदस्य विद्यार्थी असे एकूण जवळपास 60 जण स्वतःची ग्रीन सायकल व हिरवे घोषवाक्य’ असलेले फलक घेऊन हजर झाले.सर्व प्रमुख अतिथींचे वृक्षरोपे देऊन स्वागत ग्रीनफ्रेंड्सच्या पदाधिकाऱ्यांनी केल्यानंतर ‘ग्रीन सायकल रॅलीचा उद्देश वन्यजीवसप्ताह ,ओझोन दिन ,नो व्हेइकल्स डे,जागतिक ह्रदय दिनाच्या निमित्ताने ग्रीनफ्रेंड्सचे कार्यवाह प्रा.अशोक गायधने यांनी समजावून दिला व लवकरच ग्रीनफ्रेंड्स “ग्रीन सायकल क्लब”ची स्थापना करण्यात येणार असून त्याद्वारे विविध उपक्रम घेण्यात येणार असल्याचे सूतोवाच त्यांनी याप्रसंगी केले.प्रमुख अतिथी म्हणून उपस्थित असलेले लाखनीचे तहसीलदार महेश शितोळे व लाखनी पोलीस स्टेशनचे मुख्य पोलिस निरीक्षक मिलिंद तायडे, वनक्षेत्राधिकारी सुरज गोखले,लाखनी नगरपंचायतचे नगरसेवक संदीप भांडारकर यांनी ‘ग्रीन सायकल रॅली:ला हिरवी झेंडी दाखवून सुरवात केली तसेच सर्व सहभागीना अभिनव अशा पर्यावरण संवर्धनाच्या या शुभकार्यासाठी शुभेच्छा दिल्या.यावेळी लाखनी नगर पंचायतचे ब्रँड अँबेसेडर व ग्रीनफ्रेंड्स नेचर क्लबचे कार्यवाह प्रा.अशोक गायधने, ग्रीनफ्रेंड्सचे अध्यक्ष अशोक वैद्य,ज्येष्ठ नागरिक मंगल खांडेकर,दिनकर कालेजवार,शिवलाल निखाडे,अशोक नंदेश्वर,निसर्गमित्र पंकज भिवगडे,मयुर गायधने,नितीन निर्वाण,सलाम बेग,योगेश वंजारी,चेतन निर्वाण,पंकज देशमुख ,हरित सेना शिक्षक दिलीप भैसारे लाखनी वनविभागाअंतर्गत लाखनी वनक्षेत्राचे राऊंड ऑफिसर जितेंद्र बघेले,जांभळी क्षेत्राचे राऊंड ऑफिसर एस.बी.उईके,सर्व फॉरेस्ट गार्ड किशोर सानप,मंगला शहारे,अश्विनी रंगारी,नितीन उशीर,कांचन कावडे, संजय केवट,मुकुंदा मस्के, सुशील गिर्हेपुंजे, जी. जी. सोनटक्के साकोली ग्रीनफ्रेंड्स नेचर क्लबचे निसर्गमित्र युवराज बोबडे,गोविंद धुर्वे,रोशन बागडे सौरभ राऊत तसेच इतर वनरक्षक वनकर्मचारी हे सुद्धा ह्यावेळी आपली ‘ग्रीन सायकल’ तसेच ग्रीन फलक,ग्रीन स्टिकर्स घेऊन उपस्थित होते. “ग्रीन सायकल रॅली” पर्यावरण संदेश देत लाखनीच्या मुख्य रस्त्यावर जात असताना पर्यावरणाचे प्रतीक असलेली सायकल,हिरवे फलक,हिरवे स्टिकर्स नागरिकांचे लक्ष वेधून घेत होते. निसर्ग,वन्यजीव, जंगली प्राणी शिकार, वृक्षतोड,पर्यावरणस्नेही सण, वृक्षारोपण,निसर्ग संस्थातर्फे आयोजित केलेला ‘दसऱ्याचा फटाखा शो’ व त्याद्वारे होणारे मोठ्या प्रमाणावर प्रदूषण, इत्यादींवर दिलेल्या उद्घोषणा सर्वांचे लक्ष वेधून घेत होत्या.ग्रीनफ्रेंड्स तर्फे आयोजित ग्रीन सायकल उपक्रमाचे हे चवथे वर्ष होते. हया उपक्रमाला गुरुकुल आय. टी. आय. लाखनी,मानव सेवा मंडळ लाखनी,अशोका बिल्डकाँन,नैसर्गिक पर्यावरण संवर्धन व मानवता विकास नेफडो जिल्हा भंडारा, सिद्धिविनायक हॉस्पिटल लाखनी यांचे विशेष सहकार्य लाभले. यावेळी लाखनी पोलीस स्टेशनचे सहाय्यक पोलीस निरीक्षक देविदास बागडे,पोलीस हवालदार प्रकाश न्यायमूर्ती व लोकेश ढोक यांनी या भव्य “ग्रीन सायकल रॅलीला” चोख नियंत्रण ठेवले. सर्व विद्यार्थी पदाधिकारी ,कार्यकर्ते व वनविभाग कर्मचारी पाऊण तास सायकल चालवत गडेगाव वनविभाग डेपो येथे घोषणा देत पोहचले.त्यानंतर वन्यजीव सप्ताह(1ते 7 ऑक्टोबर 2022),नो वेईकल्स डे तसेच ओझोन दिन व जागतिक ह्रदय दिनाच्या निमित्ताने या ठिकाणी मार्गदर्शन फॉरेस्ट गार्ड किशोर सानप,नगरपंचायत नगरसेवक संदीप भांडारकर,ग्रीनफ्रेंड्सचे कार्यवाह प्रा.अशोक गायधने, दिनकरजी कालेजवार यांनी केले.निसर्गमित्र मयुर गायधने याने विषारी- बिनविषारी सापांची माहिती छायाचित्र चार्टद्वारा देऊन वन्यजीवसप्ताह निमित्ताने जनजागृती केली.यानंतर वृक्षारोपण कार्यक्रम गडेगाव वनविभाग डेपो येथे घेण्यात आला. अल्पोहारानंतर “ग्रीन सायकल रॅली” परत लाखनी शहरात वापस आल्यावर उद्घोषणा देत मुरमाडी, सावरी मार्गावरून बाजार मार्ग मार्गे गुजरी चौक सेलोटी मार्ग करीत बसस्थानकावरील ‘नेचर पार्क’ इथे 3 तासानंतर परत आली. यानंतर उपस्थित सर्व हरितसेना सदस्यांना तसेच नेचर क्लबच्या कार्यकर्त्यांना प्रमाणपत्र व बक्षिसे लाखनी नगरपंचायत नगरसेवक संदीप भांडारकर,ज्येष्ठ नागरिक दिनकर कालेजवार,मंगल खांडेकर,अशोक नंदेश्वर,शिवलाल निखाडे यांचे हस्ते देण्यात आले. या अभिनव अशा भव्य ग्रीन सायकल रॅली कार्यक्रमाचे प्रास्ताविक लाखनी नगर पंचायतचे ब्रँड अँबेसेडर व ग्रीनफ्रेंड्सचे कार्यवाह प्रा.अशोक गायधने तर रॅलीचे अखंड व सातत्यपूर्ण संचालन निसर्गमित्र पंकज भिवगडे याने व आभार प्रदर्शन ग्रीनफ्रेंड्सचे अध्यक्ष अशोक वैद्य यांनी केले.

 या भव्य अशा ‘ग्रीन सायकल रॅली’ला यशस्वी करण्यासाठी राणी लक्ष्मी कन्या विद्यालयाचे प्रभारी हरितसेना शिक्षिका निधी खेडीकर, सिध्दार्थ विद्यालय सावरीचे हरितसेना शिक्षक दिलीप भैसारे,हरीतसेना सदस्य सुहानी पाखमोडे, नयना पाखमोडे, वंशिका शेंडे, साक्षी निर्वाण,श्रेया देशमुख, दिव्यांशी भोवते, भार्गवी शेंडे, मेघा मळकाम,सुप्रिया काहालकर, यशस्वी कोमेजवार,निकिता मेश्राम, वैष्णवी मंडारे, विशाखा मंडारे ,अनमोल साखरे, समीर इळपाते,विजय मांढरे, सुजित बुराडे, निशिकांत क्षिरसागर, नैना चौधरी, माधवी शिवणकर, ज्ञानेश्वरी सोरते इत्यादींनी उत्स्फूर्तपणे सहभाग नोंदवून 16 किलोमीटरच्या भव्य ग्रीन सायकल रॅलीच्या यशस्वितेकरिता अथक परिश्रम घेतले.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com

Top News