नागपूर विभागीय प्रतिनिधी-ऋग्वेद येवले
साकोली -नवजीवन कॉन्व्हेंट एंड इंग्लिश प्राय. स्कुल (सीबीएसई) जमनापुर/साकोली येथे गणित ऑलिम्पिऑड परीक्षेचे पदक व प्रमाणपत्र वितरणाचा कार्यक्रम आयोजित करण्यात आला. बक्षिस वितरणाच्या अध्यक्षस्थानी प्राचार्य मा. मुजम्मिल सय्यद, प्रमुख उपस्थिती पर्यवेक्षिका शर्मिला कछवाह, वरीष्ठ शिक्षिका भारती व्यास, प्रशासकीय अधिकारी विनोद किरपान व सतिश गोटेफोडे उपस्थित होते.
विद्यार्थ्यांच्या सर्वांगीण विकास व्हावा या दृष्टीने नवजीवन (सीबीएसई) मध्ये प्राचार्य सय्यद यांच्या मार्गदर्शनात आंतरराष्ट्रीय गणित ऑलिम्पिऑड परीक्षेचे आयोजन करण्यात आले होते. गणित ऑलिम्पिऑड परीक्षेत उज्वल यश संपादन करणाऱ्या २९ विद्यार्थ्यांना सुवर्ण पदकांचे वितरण करण्यात आले. या बक्षिस वितरण सोहळ्याप्रसंगी प्राचार्य मुज्जमिल सय्यद यांनी पदक व प्रमाणपत्र वितरण करून सर्व विद्यार्थ्यांचा गौरव केला, तसेचे यक्षित बोपचे पहिल्या वर्गातील विद्यार्थ्याने आंतरराष्ट्रीय सुवर्ण पदक मिळवून नवजीवन सीबीएसई चे नाव उज्वल केले आहे. विद्यार्थ्यांनी या यशाचे श्रेय प्राचार्य, पर्यवेक्षिका व गणित शिक्षक विनोद किरपान, सतिश गोटेफोडे, विशाखा पशिने, रुनाली पंधरे, वैशाली राउत तसेच समस्त शिक्षकगण यांना दिले.
सुवर्ण पदकाचे मानकरी ठरणारे विद्यार्थी स्वरूप परशुरामकर, यक्षित बोपचे, स्माही पर्वते, डेविड डोंगरवार, युवांश गायकवाड, प्रतिक बांबोले, अक्ष गुप्ता, पुर्वेश करंजेकर, मोहित राहांगडाले, मनहर महल्ले, यतार्थ बोपचे, दक्ष दातिर, साहिल चांदवार, निश्चल पारधी, आराध्य खंडारे, आयुष बिस्वास, कौस्तुभ कापगते, निधी पालिवाल, युक्ती गहाणे, अजिंक्य हुकरे, सायना बारसागडे, आदित्य चौधरी, लावण्य साखरे, अपूर्वा कापगते, तनिष्क भावे, स्वस्तिक व्यास, सानिया लोनारे, गौरव भेलावे व याज्ञिका गिरीपुंजे होते. कार्यक्रमाचे संचालन रूनाली पंधरे तर आभार दिपीका चव्हान यांनी मानले. कार्यक्रमाच्या यशस्वीतेकरिता नवजीवन मधील शिक्षकवर्ग व शिक्षकेत्तर कर्मचारी यांनी बहुमोलाचे योगदान दिले.
