शुभम गजभिये
विशेष प्रतिनिधी
चिमूर तालुक्यातील नेरी येथील स्व.दागोजी पिसे महाविद्यालयात ७६ वा प्रजासत्ताक दिन उत्साहात साजरा करण्यात आला.
यावेळी संस्थेचे अध्यक्ष सुरेश पिसे यांच्या हस्ते ध्वजारोहण करण्यात आले.यानंतर राष्ट्रगीत व झेंडा गीत घेण्यात आले व विद्यार्थ्यांची प्रभात फेरी गावातून काढण्यात आली.
याप्रसंगी कार्यक्रमाचे अध्यक्ष स्थान संस्थेचे अध्यक्ष सुरेश राव पिसे यांनी भूषविले होते.प्रमुख पाहुणे म्हणून मार्गदर्शक डॉ.अजय पिसे हे होते.
संचालन प्रा.स्वाती कंठीवार यांनी केले.स्वागत गीतांनी पाहुण्यांचे स्वागत करण्यात आले.प्रा.पुनम रागीट यांनी कार्यक्रमाची प्रास्ताविका सादर केली.प्रास्ताविकेनंतर विद्यार्थ्यांची भाषणे घेण्यात आली.
याप्रसंगी डॉ.अजय पिसे यांनी अभ्यासाव्यतिरिक्त व्यावसायिक द्रुष्टीकोनातुन विद्यार्थ्यांना मोलाचे मार्गदर्शन केले. त्यांनी विद्यार्थ्यांना येणाऱ्या १२ वी बोर्डाच्या परीक्षेला बसलेल्या सर्वांना परिक्षेसाठी शुभेच्छा दिल्यात.
प्रा.अश्विनी जुनुनकर यांनी सुद्धा विद्यार्थ्यांना परिक्षेविषयी सुचना दिल्या व आपले मनोगत व्यक्त केले.
याप्रसंगी संस्थेचे अध्यक्ष सुरेश पिसे यांनी अध्यक्षीय भाषणात मनोगत व्यक्त करीत विद्यार्थ्यांना बोर्डाच्या परिक्षेत चांगले यश मिळो अशा शूभेच्छा दिल्या.
या कार्यक्रमाला संस्थेचे अध्यक्ष सुरेश पिसे, प्राचार्या पुनम रागीट ,प्रा.अश्विनी जुनुनकर,प्रा.स्नेहा मंगाम,प्रा. स्वाती कुंठीवार,प्रा.मोनीका हरणे,प्रा.पल्लवी कामडी, लिपीक गजभे,शुभम निवटे विद्यार्थी उपस्थित होते.
आभार प्रदर्शन मोनीका हरने मॅडम यांनी केले यावेळी विद्यार्थ्यांना खाऊचे वाटप करण्यात आले.
