चिमूर येथे शिवराय ते भीमराव प्रबोधन कार्यक्रम आयोजित.. — सुप्रसिद्ध गायक कडुबाई खरात,अनिरुद्ध वनकर,अभिजित कोसम्बी गाणार.. — कार्यक्रमाचे उदघाटन स्थानी आमदार बंटीभाऊ भांगडिया.. — नागरिकांनी उपस्थित राहण्याचे आवाहन –जितेंद्र मोटघरे व एकनाथ थुटे..

      रामदास ठुसे

विशेष विभागीय प्रतिनिधी

चिमूर:-

     बहुजन विचार मंच चिमूरच्या वतीने भारतीय संविधानाचे निर्माते परम पुज्य डॉ बाबासाहेब आंबेडकरांनी दिलेल्या समता, स्वातंत्र्य, बंधुत्व- न्याय या मूल्याचा प्रचार प्रसार करण्यासाठी शिवराय ते भीमराव या बहुजन संगीत प्रबोधनाचा अतिशय सुंमधुर भव्य कार्यक्रम दिनांक ४ फेब्रुवारी २०२४ ला रोज रविवारला सायंकाळी ६ वाजता स्थळ:-बी पी एड कॉलेज ग्राउंड चिमूर जिल्हा चंद्रपूर येथे आयोजित करण्यात आले आहे.

     ह्या कार्यक्रमाला महाराष्ट्रातील सुप्रसिद्ध गायक कडुबाई खरात,अनिरुद्ध वनकर,अभिजित कोसम्बी,कोमल धांदे,सुरेंद्र डोंगरे असे नामवंत गायक प्रबोधन पर मनोरंजन करणार आहेत.

       या कार्यक्रमाचे उदघाटन आमदार कीर्तिकुमार (बंटीभाऊ )भांगडीया करणार असून ह्यावेळी जेष्ट सामाजिक राजकीय कार्यकर्त्यांचा जीवन गौरव पुरस्कार देऊन खासदार अशोक नेते यांच्या हस्ते सत्कार करण्यात येणार आहे.

       तरी या प्रबोधपर संगीतमय कार्यक्रमाला उपस्थित राहण्याचे आवाहन निमंत्रित कार्यक्रमाचे निमंत्रण जितेंद्र मोटघरे व संयोजक एकनाथ थुटे यांनी केले आहे.