ऋग्वेद येवले
उपसंपादक
दखल न्युज भारत
साकोली : येथील नवतलाव ( जमनापुर रोड ) साकोली येथे पाच ते दहा एकर जागेवरील अतिक्रमणे तातडीने हटविण्या बाबत आता येथील जलजमीन बचाव समितीच्या सदस्यांनी बुधवारी २६ जूनला नगरपरिषद साकोली येथे जाऊन ते अवैध अतिक्रमणे तातडीने हटवा अन्यथा आंदोलन छेडण्याचा इशारा असे निवेदन मुख्याधिकारी मंगेश वासेकर यांना देण्यात आले. तर मुख्याधिकारी यांनी चार दिवसांत या विषयी कारवाई करून शासकीय भूखंडावरील अतिक्रमणे हटविण्यात येणार असे शिष्टमंडळांना आश्वासन दिले.
साकोली येथील नवतलाव परिसरालगत ( कटकवार शाळेजवळ ) जागेवर काही असामाजिक तत्वांनी अदाजे ५ ते १० एकर जागेवर शासकिय भुखंडावर अवैध अतिक्रमण करून ती जागा स्वतः व काही परजिल्हातील लोकांना विकण्याचा गोरखधंदा सुरू केला आहे. ते अतिक्रमणे हटवुन सार्वजनिक कार्यासाठी मोकळी जागा करून देण्यात यावी. भविष्यात साकोली जिल्हा झाल्यास शासकिय कार्यालय, म्हाडा कॉलनी, किंवा विविध जनहितार्थ उपयोगी ती नवतलाव परिसरातील जागा अत्यंत उपयोगी ठरणार आहे.
साकोली नगरवासीयांचे असे निर्देशनात आले की, एका व्यक्तीने स्वतः करिता ती अतिकमीत जागा करून उर्वरीत जागेवर परजिल्हातील लोकांना ( असामानिक तत्वाचे व अवैध धंदे व्यवसाय ) विकण्याचा गोरखधंदा सुरू केलेला आहे. तरी निवेदनावर यथाशिघ्र निर्णय घेवुन त्वरीत झालेले अवैध अतिक्रमण हटविण्यात यावे.
सदर अतिक्रमण सात ( ०७ ) दिवसाचे आत न हटविल्यास साकोली नगरवासीयांकडुन तिव्र आंदोलन करुन उपोषणाचा मार्ग अवलंबिला जाईल. असे निवेदन सर्वांच्या स्वाक्षऱ्यांसह मंगेश वासेकर मुख्याधिकारी यांना सादर करण्यात आले.
नगरपरिषद दालनात स्वाक्षऱ्यांसह निवेदन सादर करतांना जलजमीन बचाव समितीचे प्रकाशराणा मेश्राम, ग्यानीराम गोबाडे, विष्णू रणदिवे, उमेश भुरे, सपन कापगते, किशोर पोगडे, अमोल हलमारे, ओम गायकवाड, विकास परशुरामकर, नरेंद्र वाडीभस्मे, नितीन खेडीकर, अश्विन नशिने, विवेक राऊत, नंदकिशोर गेडाम, पंकज वासनिक, विनायक देशमुख, मोहन बोरकर, विजय दूबे, इमरान खान, इमरान पठाण, दिपक थानथराटे, पप्पू पठाण, सुरेश बघेल, राकेश सिडाम, विक्की गणविर, वृषभ तांडे, प्रमोद गजभिये, मोनिष खान, सतिश लांजेवार, कुंदन वल्के, महेंद्र जनबंधू, अनिल गुप्ता, सुरेश संग्रामे, संदीप गुप्ता, जे. डी. मेश्राम, किशोर बावणे, सचिन राऊत, गोलू धुर्वे यांसह साकोली शहरवासी हजर होते.
यापश्चात नगरपरिषद परीसरात दूपारी ०१:१५ दरम्यान जनतेची चर्चा होती की साकोली शहरात अखेर हे धंदे करतो कोण.? आणि याला पाठबळ देतो कोण की, कोणत्याही शासकीय भूखंडावर, जागेवर अतिक्रमण करायचे, एखाद्या संघटनेची जमिन आहे असे दाखवायचे, त्यावर हळूहळू बांधकाम करायचे व जागा १० ते १५ लाखांवर विकायचे. आणि यांचे हेच व्यवसाय व धंदे आहेत. या संतापजनक प्रकाराची नगरपरिषद प्रशासनानेही सखोल चौकशी करून ते शासकीय जागा विकणारे कोण.? हे समोर येणे गरजेचे आहे कारण येथे बाहेरील लोकांनी असे अतोनात अतिक्रमण करून ती जागा सर्रासपणे विकल्या गेली व साकोली स्थानिक निवासींना एक साधी जागा नाही.? अश्या आता जनतेत चर्चा सुरू झाल्या आहेत.
“शासकीय भूखंडावर अथवा कोणत्याही सरकारी अधिपत्य जागेवर अवैधरित्या अतिक्रमण करणे गुन्हा आहे. जलजमीन बचाव समितीचे निवेदन प्राप्त झाले.या गंभीर विषयी चार दिवसांत नगरपरिषदेकडून कारवाई करीत सदर शासकीय जागेवरील अतिक्रमण हटविले जाईल”.
— मंगेश वासेकर
“मुख्याधिकारी”
नगरपरिषद साकोली – सेंदूरवाफा
