चेतक हत्तीमारे

जिल्हा प्रतिनिधी

भंडारा (लाखनी):- 

      विविध सामाजिक कार्यास अग्रेसर अशा मानव सेवा मंडळाने लाखनी बसस्थानक, सिंधीलाईन चौक व पिंपळगाव येथे उडाणपुलाखाली तीन “माणुसकीच्या भिंतीचे” उपक्रम मागील पंधरवाड्यात राबविल्यानंतर लाखनी तहसील कार्यालयासमोरील उडानपुलाखाली चवथ्या “माणुसकीच्या भिंती”चे उदघाटन सर्व मानव सेवा मंडळाच्या कार्यकर्त्यांच्या हस्ते करण्यात आले. याप्रसंगी गरजूंना चांगल्या अवस्थेतील कपडे व इतर साहित्य पुरविण्यात आले.मानव सेवा मंडळाच्या या अनोख्या उपक्रमास गुरुकुल आय. टी. आय. व ग्रीनफ्रेंड्स नेचर क्लब लाखनी यांनी सुद्धा सहकार्य केले.

       ग्रीनफ्रेंड्स नेचर क्लबतर्फे लाखनी बसस्थानकावर उभारलेल्या ‘नेचर पार्क’ वर मानव सेवा मंडळाच्या सदस्यांनी नेहमी प्रमाणे लष्करी परेड ,योग, व्यायाम तसेच नृत्यव्यायाम आटोपल्यावर सेवानिवृत्त मेजर ऋषी वंजारी यांच्या मार्गदर्शनाखाली सर्वजण शिस्तबद्ध लष्करी परेड पद्धतीने, देशभक्तीपर गीताच्या तालावर ‘फ्लॅग मार्च’ करीत व देशभक्तीपर उद्घोषणा देत तहसील कार्यालयासमोरील उडानपुलाखाली माणुसकीच्या भिंतीचे उदघाटन करण्याकरिता पोहचले.याठिकाणी सर्व मानव सेवा मंडळाच्या कार्यकर्त्यांनी गरजूंकरिता कपडे टांगले व टाळ्या वाजवून फलकाचे उदघाटन केले.यावेळी मानव सेवा मंडळाचे पदाधिकारी भीमराव गभने,ऍड. शफी लद्धानी यांनी नागरिकांना कपडे व इतर साहित्य अभिनव अशा “माणुसकीच्या भिंती”ला पुरवावे असे आवाहन केले.याप्रसंगी गुरुकुल आय. टी. आय. चे प्राचार्य खुशालचंद्र मेश्राम, मेजर ऋषी वंजारी ,ग्रीनफ्रेंड्स नेचर क्लबचे कार्यवाह प्रा.अशोक गायधने,शिवलाल निखाडे,अ.भा. अंनिसचे पदाधिकारी नामदेव कान्हेकर, सेवानिवृत्त माजी सैनिक संदीप मेश्राम, ज्ञानेश्वर लांडगे यांनी आज घरून आणलेले उत्तम स्थितीतील कपडे तसेच उर्वरित सदस्यांनी मागील काही दिवसात आणलेले कपडे व इतर साहित्य टाळ्यांचा गजरात “माणुसकीच्या भिंतीवर” टांगण्यात आले. यानंतर सर्वांनी “नको असेल ते द्या व हवे असेल ते घेऊन जा” आणी “भारत माता की जय” चा जोशपूर्ण उद्घोष करण्यात आला.उदघाटन कार्यक्रमानंतर प्लास्टिक प्रदूषण या विषयावर वेस्टर्न कोल फील्ड चंद्रपूर येथून आलेले सजलकुमार तफादार यांनी थोडक्यात मार्गदर्शन केले.

   या अनोख्या “माणुसकीच्या भिंती”च्या उदघाटन कार्यक्रमाकरिता डॉ. चंद्रकांत निंबार्ते,ज्येष्ठ नागरिक विनायक कावळे, रामकृष्ण गिर्हेपुंजे, रमेश पालांदुरकर,नरेश इलमकर, डॉ. इलमकर, गोपाल बोरकर,सुभेदार बोरकर, वसंतराव मेश्राम,सुनील खेडीकर,रमेश गभने,तारांचंद गिर्हेपुंजे,मटाले,अशोक हलमारे तसेच ग्रीनफ्रेंड्स नेचर क्लबचे सक्रिय कार्यकर्ते अशोक वैद्य, मंगल खांडेकर,मारोतराव कावळे,अशोक नंदेश्वर,सेवक रोडे,ऍड.स्वप्निल गायधनी,कुंडलिक वंजारी इत्यादींनी या उपक्रमात सहभाग नोंदविला.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com