सुधाकर दुधे
सावली तालुका प्रतिनिधी
सावली :– शैक्षणिक सत्र २०२४ – २०२५ मध्ये नवोदय विद्यालय समितीद्वारे दिनांक २० जानेवारीला जवाहर नवोदय प्रवेश पात्रता परीक्षा घेण्यात आली.
सदर परीक्षेमध्ये मुख्यमंत्री माझी शाळा सुंदर शाळा क्रमांक प्राप्त तालुक्यातील नामांकित भारत शिक्षण प्रसारक मंडळ सावलीद्वारा संचालित विश्वशांती विद्यालय तथा उच्च माध्यमिक विद्यालय सावलीचे दोन विद्यार्थी उत्तीर्ण झाले असून त्यात कु.धनश्री आदर्श गेडाम आणि अंशुल निकेश्वर कोतपल्लीवार या दोन विद्यार्थ्यांनी सदर परीक्षेत सुयश प्राप्त केले.
मागील अनेक वर्षापासून विश्वशांती विद्यालयाचे विद्यार्थी जवाहर नवोदय परीक्षेमध्ये यश मिळवित असून याही वर्षी विद्यालयाने ती यशाची परंपरा कायम ठेवलेली आहे.
उत्तीर्ण झालेल्या कु.धनश्री आणि अंशुल यांनी आपल्या यशाचे श्रेय भारत शिक्षण प्रसारक मंडळाचे पदाधिकारी विद्यालयाचे मुख्याध्यापक रवींद्र मुप्पावार,पर्यवेक्षक मधुकर जाधव विषय शिक्षक किशोर संगीडवार, सहायक शिक्षिका वनिता गेडाम,वर्गशिक्षक अरुण सातपुते तसेच विद्यालयातील सर्व शिक्षक तथा शिक्षकेतर कर्मचाऱ्यांना दिले विद्यालयातील सर्व कर्मचाऱ्यांनी यशस्वी विद्यार्थ्यांचे कौतुक करून पुढील वाटचालीस शुभेच्छा दिल्या.
कोट
अगदी सत्राच्या सुरुवातीपासूनच विद्यालयात नवोदय आणि शिष्यवृत्ती परीक्षेचे नियमितपणे वर्ग सुरू असतात त्याचे फलित म्हणून दरवर्षीप्रमाणे याही सत्रात दोन विद्यार्थी नवोदय पात्रता परीक्षेत निवड झालेले आहेत आणि येणाऱ्या पुढील सत्रात सुद्धा यशाची ही परंपरा कायम राहील.विद्यार्थ्यांचा सर्वांगीण विकास हा उद्देश डोळ्यासमोर ठेवून आम्ही सर्व शिक्षक शाळेत काम करीत असतो.
