प्रितम जनबंधु
संपादक
अहेरी तालुक्यातील आलापल्ली येथील क्रीडा संकुल येथे पार पडलेल्या दोन दिवसीय अखिल भारतीय आदिवासी सांस्कृतिक महोत्सवात विद्यार्थी व युवक-युवतींच्या कलागुणांना वाव देण्याकरीता विविध स्पर्धा व मार्गदर्शन सत्राचे आयोजन करण्यात आले होते. या स्पर्धेचे उद्घाटन अहेरीचे उपविभागीय पोलिस अधिकारी डॉ. सुदर्शन राठोड यांच्या हस्ते झाले.
सदर कार्यक्रमाच्या माध्यमातून घेण्यात आलेल्या विविध स्पर्धामध्ये मॅरेथॉन पुरुष गटात प्रथम क्रमांक सूरज बोटरे, द्वितीय क्रमांक राकेश चौधरी तर तृतीय क्रमांक तुषार गावतुरे यांनी पटकाविले. मॅरेथॉन स्पर्धा महिला गटात प्रथम क्रमांक अंकिता मडावी, द्वितीय निकिता मडावी तर तृतीय क्रमांक रविना गावडे यांनी पटकाविला.
वॉकथॉन स्पर्धा पुरुष गटात प्रथम क्रमांक पीयुष सोनुले, द्वितीय सौरभ कन्नाके तर तृतीय क्रमांक पितांबर मुत्तेवार यांनी पटकाविला. महिला गटात माया खांडेकर यांनी प्रथम क्रमांक पकाविला. चित्रकला स्पर्धेत काजल मडावी प्रथम, अनुप माझी द्वितीय तर रमाकांत दुर्गे यांनी तृतीय क्रमांक पटकाविला.
हस्तकला स्पर्धेत विजया कोरेत प्रथम, आदिवासी नृत्य स्पर्धा एकल गटातून अनुप माझी प्रथम, प्रणाली मडावी द्वितीय तर निखलेशा कुमरे यांनी तृतीय क्रमांक प्राप्त केला.
आदिवासी नृत्य स्पर्धेत खुल्या गटातून धोडुर ग्रुप एटापल्लीने प्रथम, राणी दुर्गावती ग्रुप द्वितीय तर मैथिली ग्रुपने तृतीय क्रमांक पटकाविला.
त्यानंतर पहिल्या दिवसाच्या शेवटच्या सत्रात गडचिरोली जिल्ह्यातील मूळ रहिवासी असलेले शास्त्रज्ञ डॉ. भास्कर हलामी यांनी अमेरिकेतून थेट व्हिडिओ कॉन्फरन्सद्वारे परदेशी शिक्षणावर युवकांना विशेष मार्गदर्शन व आदिवासी गोंडी भाषेतून संवाद साधून गडचिरोली जिल्ह्यातील विविध समस्यांवर युवकांशी चर्चा केली.
दुसर्या दिवशी प्रा. निरज खोब्रागडे व प्रा. रामराव नन्नावरे यांनी आर्थिक विकास या विषयावर मार्गदर्शन केले. सुप्रीम कोर्टाचे वकील अॅड. संदीप पणीग्रही यांनी व्हिडिओ कॉन्फरन्सद्वारे आदिवासींचे हक्क व कर्तव्ये या विषयावर मार्गदर्शन करीत युवकांशी संवाद साधला. बॉडी आर्ट कार्यशाळा पश्चिम बंगालच्या संघमित्रा मुखर्जी यांनी घेतली.
वादविवाद स्पर्धेत खुर्शीद शेख यांनी प्रथम, आनंद अलोने द्वितीय व ओंकार आत्राम यांनी तृतीय क्रमांक पटकाविला.
कला बाजार स्पर्धेत श्रीनिवास कविराजवार यांनी प्रथम क्रमांक पटकाविला. अहेरीचे वैद्यकीय अधिकारी डॉ. कन्ना मडावी यांनी युवकांना मार्गदर्शन केले.
ट्रायबल फॅशन शोमध्ये किड्स गटात प्रज्ञा तोडसाम प्रथम, दिव्या कोरेत द्वितीय, पृथा येर्रावार तृतीय व आध्या गलबले यांनी प्रोत्साहनपर बक्षीस पटकाविले. मिस गटात करिश्मा मडावी प्रथम, लेखणी कोरेत द्वितीय व श्रावणी मडावी हिने तृतीय क्रमांक पटकाविला.
मिस्टर गटात अमर माझी प्रथम, रमेश मट्टामी द्वितीय, गणेश कोलच्या याने तृतीय क्रमांक प्राप्त केला.
सर्व स्पर्धेतील विजेत्यांना सन्मानचिन्ह व प्रमाणपत्र देवून गौरविण्यात आले. बक्षिस वितरक म्हणून अहेरीचे पोलिस निरीक्षक काळबांधे व प्रमुख पाहुणे म्हणून आलापल्लीचे सरपंच शंकर मेश्राम उपस्थित होते.
