चेतक हत्तीमारे
जिल्हा प्रतिनिधी भंडारा
लाखनी :- समर्थ महाविद्यालयातील विद्यार्थ्यांनी जिल्हास्तरीय कॅरम स्पर्धेत उल्लेखनीय यश संपादन केले आहे. या स्पर्धेत बारावी कला आणि विज्ञान शाखेचे विद्यार्थी कुणाल बारसागडे, करण निंबार्ते, आणि सुजल मेश्राम यांनी उत्कृष्ट खेळ दाखवत प्रथम क्रमांक पटकावला आहे. या विजयामुळे ते विभागीय स्पर्धेसाठी पात्र ठरले आहेत.
महाविद्यालयात प्राचार्य डॉ. दिगांबर कापसे यांच्या प्रमुख उपस्थितीत विजेत्या विद्यार्थ्यांचा सत्कार करण्यात आला. मागील वर्षीही या महाविद्यालयातील विद्यार्थी राज्यस्तरीय कॅरम स्पर्धेत पात्र ठरले होते, त्यामुळे या वर्षीच्या यशाने महाविद्यालयाचा गौरव वाढला आहे.
विद्यार्थ्यांना स्पर्धेसाठी मार्गदर्शन करणारे प्रा. सुरेश केदार यांनी त्यांच्या मेहनतीचे कौतुक केले. तसेच प्रा. अशोक गायधनी, एकता जाधव, प्रशांत वंजारी, अजिंक्य भांडारकर, दामिनी देशमुख, अमित पुडके, आणि शितल कोमेजवार यांनी देखील विद्यार्थ्यांना पुढील स्पर्धेसाठी शुभेच्छा दिल्या.
या यशामुळे महाविद्यालयात उत्साहाचे वातावरण असून, विद्यार्थ्यांच्या भविष्यातील यशासाठी सर्वजण आशावादी आहेत.
