प्रदीप रामटेके

संपादकीय

समाजकारणाचा आणि राजकारणाचा,”समाज घटकच,मुख्य केंद्र असतो.यामुळे समाजकारण आणि राजकारण हे दोन्ही नागरिकांसी निगडित आहेत अर्थात मतदारांसी संबंधित असतात हे सर्वमान्य आहे.यामुळे प्रथमतः समाजकारण केल्याशिवाय राजकारण करता येत नाही हे राजकारण्यांनी लपवून जमणार नाही.

समाजकारण हा आमचा केंद्रबिंदू आहे असे राजकारणी मानत असले तरी राजकारण आणि राजकारणातंर्गत सत्ताकारण हा त्यांचा मुळ उद्देश समाजकारणाला न्याय देतो असे दिसून येत नाही.

कुठल्याही प्रकारचे सत्ताकारण पदस्थ व्यक्ती जर समाजकारणाला अर्थात सर्व समाज घटकातील नागरिकांसाठी समान संधी,समान उन्नती,समान अधिकार,समान हक्क,समान न्याय,समान समता,समान बंधुत्व,समान सन्मान,समान स्वातंत्र्य,या प्रमाणे आपले कर्तव्य पार पाडत नसतील तर त्यांचे मतलबी समाजकारण हे न्यायसंगत राहात नाही किंवा ते जनहिताचे समाजकारण आणि राजकारण करतात असे होत नाही.

सत्तास्थान हे मुळातच या देशातील नागरिकांच्या सर्वांगिण हितासाठी,उन्नतीसाठी व संरक्षणासाठी – रक्षणासाठी असते हेच आजचे राजकारणी विसरले आहेत असे लक्षात येते आहे.

लोकसंख्यावर आधारित सर्व समाज घटकातील नागरिकांच्या विकासासाठी,देशाच्या व राज्यांच्या आर्थिक बजेट नुसार किती रुपयांचा बजेट दरवर्षाला राखीव करतात यावरून सत्ताधारी राजकारण्यांचे आणि इतर पक्षीय राजकारण्यांचे खरे समाजकारण लक्षात येते.

सर्व समाज घटकातील नागरिकांच्या विकासासाठी दर वर्षातंर्गत आर्थिक बजेट नुसार न्यायोचित निधी राखीव केल्या जात नसेल तर त्यांचे राजकारण व समाजकारण हे भावनिक असते आणि संभ्रमावस्था निर्माण करणारे असते असे म्हणणे अनुचित ठरु नये.

देशातील सर्व नागरिकांचा समान विकास,”हाच, देश मजबूतीचा भक्कम पाया असतो, हेच समाजकारणी व राजकारणी आपल्या कर्तव्यातून स्पष्ट करीत नाही.यामुळेच जनतेप्रती त्यांचे दायित्व निष्पक्ष असते असे मान्य होत नाही.

म्हणून समाजकारणाला व राजकारणाला कमी जास्त समजण्याची चूक देशातील नागरिकांनी करु नये.अन्यथा राजकारणी तुमचे अभेद्य शोषक बनतील हे लक्षात घ्यावे.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com