प्रत्येक ग्रामस्थांच्या व नरूटे परिवाराच्या दुःखात मी व माझे कुटुंबही सहभागी आहोत :- माजी राज्यमंत्री दत्तात्रय भरणे… — ज्येष्ठ नागरिक कै.अंकुश नरुटे यांच्या प्रथम वर्ष श्रद्धा निमित्त माजी मंत्री दत्तात्रय भरणे यांच्या उपस्थिती प्रतिमेचे पूजन करुन पुष्पवृष्टी करण्यात आली…

 बाळासाहेब सुतार

नीरा नरसिंहपूर प्रतिनिधी

          गिरवी तालुका इंदापूर येथील ज्येष्ठ नागरिक कै.अंकुश तुकाराम नरुटे यांच्या प्रथम वर्ष श्राद्ध निमित्त माजी राज्यमंत्री दत्तात्रय भरणे मामा यांच्या उपस्थित कैलासवासी अंकुश नरूटे यांच्या प्रथम वर्ष श्रद्धा निमित्त प्रतिमेचे पूजन व पुष्पवृष्टी करून भावपूर्ण श्रद्धांजली समर्पित करण्यात आली. याप्रसंगी सकाळी दहा ते बारा या वेळेत ह भ प श्रीराम महाराज अभंग वडापुरी यांची कीर्तन सेवा झाली.

            राज्यमंत्री दत्तात्रय भरणे यांच्या उपस्थितीत, कैं.अंकुश नरुटे यांच्या प्रतिमेवर टाळ आणि मृदुंगाच्या आवाजात पुष्पवृष्टी करण्यात आली. याप्रसंगी पिंपरी बुद्रुक, गिरवी ,संगम, ओझरे, गोंदी, टनु नरसिंहपुर , सुरवड आदी भागातून भजनी मंडळ, ग्रामस्थ मोठ्या संख्येने उपस्थित राहून कीर्तन सेवा संपन्न झाली.

              याप्रसंगी प्रमुख उपस्थिती माजी राज्यमंत्री दत्तात्रय मामा भरणे, गिरवी गावचे सरपंच पांडुरंग डीसले, उपसरपंच दादासाहेब क्षिरसागर, प्रगतशील बागायतदार पोपट डीसले, गोपाळ नरूटे, ह भ प राम महाराज अभंग, संदिपान पडळकर, महादेव सुतार, महेश सुतार बंडू कांबळे,तसेच सर्व नरूटे परिवार व गिरवी पिंपरी बुद्रुक ग्रामस्थ यांनी उपस्थित राहुन, प्रतिमेवर पुष्पवृष्टी करून त्यांना भावपूर्ण श्रद्धांजली अर्पण करण्यात आली.

            नरुटे परिवाराच्या दुःखामध्ये आम्ही सर्वजण सहभागी आहोत अशी भावना यावेळी माजी राज्यमंत्री दत्तात्रय भरणे मामा यांनी व्यक्त केली.नरूटे परिवाराच्या वतीने दत्तात्रय मामा भरणे यांचे आभार व्यक्त केले.