रामदास ठुसे
विशेष विभागीय प्रतिनिधी
चिमूर :-
भारतीय जनता पार्टी महिला आघाडी तालुका चिमूरच्या वतीने रक्षाबंधन कार्यक्रम दिनांक २४ ऑगस्ट आयोजित करण्यात आला असून या कार्यक्रमाचे आकर्षण महाराष्ट्राची हास्यजत्रा फेम मराठी अभिनेत्री प्राजक्ता माळी सह आमदार बंटीभाऊ भांगडिया यांची प्रमुख उपस्थिती राहणार आहे.
रक्षाबंधन कार्यक्रमाला मोठया संख्येने महिलांनी उपस्थित राहण्याचे आवाहन भाजप महिला आघाडी तालुका अध्यक्ष माया नन्नावरे यांनी केले आहे.
दरवर्षी आमदार बंटी भांगडिया यांच्या मार्गदर्शनात रक्षाबंधन कार्यक्रम आयोजित केले जात असून या वर्षी सुध्दा दिनांक २४ ऑगस्ट रोज शनिवारला दु १२ वा. अभ्यकर मैदान सभागृहात कार्यक्रम संपन्न होणार आहे.
या कार्यक्रमास महिलांच्या खास भेटीला मराठी सिने अभिनेत्री प्राजक्ता माळी,आमदार बंटीभाऊ भांगडिया व इतर मान्यवर यांची उपस्थिती राहणार आहे.
चिमूर तालुक्यातील महिलांनी रक्षाबंधन कार्यक्रमाला उपस्थित राहण्याचे आवाहन भाजप महिला आघाडी तालुका अध्यक्ष माया नन्नावरे,प्रदेश चिटणीस ममता डुकरे,दुर्गा सातपुते,आशा मेश्राम,गिता लिंगायत,वर्षा शेंडे,भारती गोडे,प्रतिभा गेजिक,वैशाली चन्ने,कल्याणी सातपुते,नसीमा शेख,रत्नमाला मेश्राम,छाया कंचर्लावार,अरुणा नन्नावरे,समिना शेख इतर महिलांनी केली आहे.
