कमलसिंह यादव
तालुका प्रतिनिधी पारशिवणी
पारशिवनी :- तहसील अंतर्गत येणाऱ्या बिटोली भुलेवाडी सह तालुक्यातील असंख्य शेतकऱ्यांच्या शेतातील आवारात शेतकऱ्यांच्या शेतातील १०० हेक्टर पेक्षा जास्त क्षेत्रातील तूर, ज्वारी, सोयाबीन, मका, मिरची, भाजीपाला ही पिके पूर्णत: नष्ट झाली.
गेले तीन – चार दिवस पासुन पाण्यात बुडाले. पिके पाण्यात बुडाल्याने शेतकऱ्यांचे मोठे नुकसान झाले आहे. पावसाने सर्व काही उद्ध्वस्त केले असताना अद्याप पीक जमिनीतून पूर्णपणे बाहेर आले नव्हते.
त्यामुळे पावसाच्या पाण्यात बुडलेल्या या पिकांचा तातडीने पंचनामा करून नुकसानग्रस्त शेतकऱ्यांना नुकसान भरपाई द्यावी, अशी मागणी बिटोली भुलेवाडी गावचे पिढीजात शेतकरी पंढरी चिंतामण ढोरे यांनी केली आहे. पिढ्यानपिढ्या शेतकऱ्यांनी सांगितले की, पूर्वी शेतकरी पावसाची वाट पाहत होता.
त्यावेळी पावसाने दडी मारल्याने अनेक शेतकऱ्यांच्या पेरणीची चिंता होती. पेरणी झाल्यानंतर त्यांनी चांगल्या पावसाची प्रतीक्षा सुरू केली. ज्या शेतकऱ्यांकडे विहिरी आणि मोटारपंप उपलब्ध होते त्यांनीच धान पिकाची पेरणी केली.
त्यानंतर 18 ते 22 जुलैपर्यंत पारशिवनी तालुकात एवढा पाऊस झाला की नदी-नाले पूर्णपणे वाहू लागले. यासह शेतात असलेल्या भातपिकांचे संपूर्ण बंधारे पाण्याने भरले असून भात रोपे, कापूस, सोयाबीन, तूर, मिरची, मका, ज्वारी, फळे व भाजीपाला पिके पावसाच्या पाण्यात बुडाली. ही परिस्थिती पाहून शेतकऱ्यांच्या डोळ्यातून अश्रू वाहत आहेत. अशा परिस्थितीत आता शेतकरी पुन्हा चिंतेत सापडला आहे.
या पाण्यामुळे उद्ध्वस्त झालेल्या भात, कापूस, ज्वारी, सोयाबीन, मका, मिरची, भाजीपाला या पिकांचा पंचनामा करून शेतकऱ्यांना आर्थिक मदत देण्याची मागणी पारशीवणी तालुक्यातील अनेक शेतकऱ्यांनी कृषी व महसूल विभागाकडे केली आहे.
