संपादक/डॉ. जगदिश वेन्नम

               गडचिरोली:-गडचिरोली जिल्ह्रात मोठया प्रमाणावर जंगलक्षेत्र असल्यामुळे येथील दुर्गम-अतिदुर्गम भागातील सामान्य नागरिक आपल्या पारंपारिक शेती व्यवसायासोबतच शिकार करुन उदरनिर्वाह करीत असतात. शिकार करण्यासाठी तसेच वन्य प्राण्यांपासुन संरक्षणासाठी अनेक सामान्य नागरिक बंदुका बाळगत असतात. अशाच प्रकारच्या वडीलोपार्जित बंदुका व शस्त्रे गडचिरोली जिल्ह्रातील नागरिकांकडे उपलब्ध आहेत. दुर्गम अतिदुर्गम भागात नक्षलवादी याच बाबीचा फायदा घेवुन, सर्वसामान्य जनतेला नक्षल चळवळीत समाविष्ट करण्याचा प्रयत्न करतात. यामुळे सर्वसामान्य जनतेच्या जीवितास धोका होवु नये याकरीता मा. पोलीस अधीक्षक श्री. नीलोत्पल सा. यांचे संकल्पनेतुन नक्षलवाद्यांच्या दिनांक 02 डिसेंबर 2022 ते 08 डिसेंबर 2022 दरम्यानच्या पिएलजीए सप्ताहाच्या पाश्र्वभुमीवर नागरिकांनी स्वत:जवळ बाळगलेल्या बंदुका स्वेच्छेने जवळच्या पोलीस स्टेशन येथे स्वाधिन कराव्यात असे आवाहन करण्यात आले होते.

            गडचिरोली पोलीस दलाच्या आवाहनाला सकारात्मक प्रतिसाद देत जिल्हयातील दुर्गम अतिदुर्गम भागातील नागरिकांनी त्यांचेकडे बाळगलेल्या 68 भरमार बंदुका व 12 बॅरल पोलीस दलाच्या स्वाधिन केल्या असुन, माहे डिसेंबर-2022 मध्ये उपविभाग जिमलगट्टा अंतर्गत उपपोस्टे दामरंचा 20 भरमार, उपपोस्टे रेपनपल्ली 05 भरमार, पोस्टे जिमलगट्टा 02, उपविभाग अहेरी अंतर्गंत उपपोस्टे पेरमिली 15 भरमार व 03 बॅरल, पोस्टे मुलचेरा 02 भरमार, उपपोस्टे राजाराम (खां.) 12 भरमार व 9 बॅरल, उपविभाग पेंढरी कॅम्प कारवाफा अंतर्गत 08 भरमार, पोमके गोडलवाही 04 भरमार बंदुका पोलीसांचे स्वाधिन करण्यात आल्या आहेत. सदर भरमार बंदुका जमा केल्यामुळे नक्षलवादी जे सामान्य नागरिकांचा चळवळीसाठी वापर करत होते व सोबत भरमार बंदुका बाळगल्यामुळे नागरिकांच्या जीवितास धोका होता, त्यास आळा बसलेला आहे. 

           मा. पोलीस अधीक्षक श्री. नीलोत्पल सा. यांनी सदर कामगिरी करीता परिश्रम घेणा­या अधिकारी व अंमलदारांचे कौतुक केले असुन, जिल्हयातील आणखी काही नागरिकांकडे भरमार बंदुका असल्यास त्यांनी आपले जवळचे पोलीस स्टेशन, उपपोलीस स्टेशन, पोलीस मदत केंद्र येथे स्वाधिन करावे असे जिल्हयातील नागरिकांना आवाहन केले आहे. 

          सदरची कामगिरी मा. पोलीस अधीक्षक श्री. नीलोत्पल सा., मा. अपर पोलीस अधीक्षक (अभियान) श्री. अनुज तारे सा., मा. अपर पोलीस अधीक्षक श्री. कुमार चिंता (प्रशासन) सा., मा. अपर पोलीस अधीक्षक श्री. यतिश देशमुख सा. यांचे मार्गदर्शनाखाली करण्यात आली असुन, उपविभागीय पोलीस अधिकारी जिमलगट्टा, अहेरी, पेंढरी कॅम्प कारवाफा तसेच या उपविभागातील तसेच सर्व पोस्टे, उपपोस्टे, पोमके येथील सर्व अधिकारी व अंमलदार यांनी यशस्वीरित्या पार पाडली.

                 

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com