शुभम गजभिये…
विशेष प्रतिनिधी…
चिमुर तालुक्यात खूप मोठ्या प्रमाणात अवैध दारुविक्री,सट्टापट्टी व जुगार चालू आहे.मात्र या अवैध धंद्याकडे चिमुर पोलीस प्रशासनाचे अजिबात लक्ष नाही.तालुक्यातील अवैध धंद्यावर लगाम लावला नाहितर चिमूर पोलिस स्टेशन पुढे जन आंदोलन करण्याचा इशारा वंचितचे चंद्रपूर युवा जिल्हाध्यक्ष शुभम मंडपे यांनी दिला आहे.
चिमुर,खडसंगी,नेरी,जांभूळघाट,भिसी,आंबोली,शंकरपूर परिसरात अवैध दारुविक्रीचा महापूर आहे तर पत्त्यांचा जुगारही सुरू आहे.याचबरोबर सट्टापट्टी जोमात सुरू आहे.
अवैध धंद्यामुळे चिमुर तालुक्यातील युवकांचे व विद्यार्थ्याचे खूप मोठे नुकसान होत आहे.यामुळे अवैध दारुविक्री,सट्टापट्टी व जुगार तात्काळ बंद करण्याची मागणी वंचित बहुजन युवा आघाडीचे जिल्हाध्यक्ष शुभम मंडपे यांनी केली आहे.
चिमुर तालुका ही क्रांतीभूमी असून वंदनीय राष्टसंत तुकडोजी महाराजांच्या पदस्पर्शाने पावन झालेली भूमी आहे.मात्र या भूमितील युवक व विद्यार्थी हा व्यसनाधीन होत आहे…खेडोपाड्यातील गावा – गावात अवैध दारुविक्री,सट्टापट्टी,जुगार खूप मोठ्या प्रमाणात सुरु आहे.
मात्र याकडे चिमुरच्या पोलीस उपविभागीय अधिकाऱ्यांचे व पोलीस निरीक्षकांचे अजिबात लक्ष नाही अशी परिस्तिती दिसत आहे..
त्यामुळे वंचित बहुजन युवा आघाडीचे जिल्हाध्यक्ष शुभम भाऊ मंडपे यांनी चिमुर तालुक्यातील व शहरातील अवैध दारुविक्री,सट्टापट्टी व जुगार तात्काळ बंद करावे,अन्यथा पोलीस कार्यालय चिमुर समोर युवकांच्या वतीने भव्य आंदोलन करू असा इशारा दिला आहे.
