दिनेश कुऱ्हाडे
प्रतिनिधी
आळंदी : संत भुमी आळंदीत धर्मांतराविरुध्द विराट जनगर्जना मोर्चा होऊनही आळंदी पंचक्रोशीतील मरकळ गावात लोकांच्या घरासमोर जाऊन तुम्ही येशूचे बायबल वाचता का, चर्चमध्ये या, आम्ही तुम्हाला व्यवसायात आर्थिक मदत करू असे आमिष दाखवून दोन धर्मात तेढ निर्माण करण्याचा व धर्मांतरासाठी प्रवृत्त करण्याचा प्रयत्न झाला असून या प्रकरणी आळंदी पोलिस स्टेशन मध्ये चौदा जणांवर गुन्हा दाखल करण्यात आला आहे. यात अल्पवयीन मुलांचा देखील समावेश आहे. काही दिवसांपूर्वीच येशूचे रक्त म्हणून सरबत पाजून धर्मातराचा प्रयत्न केल्याचा धक्कादायक प्रकार आळंदीत उघडकीस आला असताना आता पुन्हा एकदा आर्थिक मदतीचे आमिष दाखवून धर्मांतर करत असल्याचा प्रकार रविवारी मरकळ गावात घडला.
याप्रकरणी आळंदी पोलीस ठाण्यात प्रदीप मधुकर वाघमारे (च-होली), प्रशांत मधुकर वाघमारे (वय ३०), रोनक शैलेश शिंदे (वय १८ रा.भोसरी), अशोक मुकेश पांढरे (वय १९ भोसरी), मुकेश जयकुमार विश्वकर्मा (वय २५रा. भोसरी), लक्ष्मण श्रीरंग नायडू (वय ३५ रा. भोसरी), म्यूंगी व्युयुंग वुन (वय ३८रा. भोसरी), ज्यूईल वोमन युन (वय ३६ ), ईशा भाऊसाहेब साळवे (वय १९) तीन महिला आरोपी व एक अल्पवयीन मुलगी यांच्यावर गुन्हा दाखल केला असून प्रसाद भाऊसाहेब साळुंखे (वय २५ रा. मरकळ) यांनी आळंदी पोलीस ठाण्यात फिर्याद दिली आहे. पुढील तपास आळंदी पोलीस करत आहेत.