रामदास ठुसे
विशेष विभागीय प्रतिनिधी..
चिमूर :-
ग्रामपंचायत स्तरावरील कार्य व जिल्ह्यातील खेड्यांचा विकास होण्याच्या दृष्टीकोनातून अहमदनगर येथे पार पडलेल्या स्वराज्य सरपंच सेवा संघाच्या कार्यकारणीच्या बैठकीत वहानगाव येथील सरपंच प्रशांत कोल्हे यांची चंद्रपूर सरपंच सेवा जिल्हाध्यक्षपदी तर महिला जिल्हा अध्यक्षपदी सौ.प्रिती दिडमुटे यांची नियुक्ती सरपंच संघटीत चळवळीचे नेते बाबासाहेब पावसे यांनी केली आहे.
वहानगाव येथील विकासाची तळमळ बघून नोंदणीकृत झालेल्या सरपंच सेवा संघाच्या चंद्रपूर जिल्हा अध्यक्षपदी सरपंच प्रशांत कोल्हे यांची अधिकृत नियुक्त्ती दोन वर्षासाठी करण्यात आली आहे.
चिमूर तालुक्यातील सरपंच यांना संघटीत करून चिमूर तालुक्यात आदर्श निर्माण करण्यासाठी आपण सरपंचांना मार्गदर्शन करावे अशी सुचना पत्रात नमूद आहे.
