युवराज डोंगरे /खल्लार
उपसंपादक
संत गाडगे बाबा अमरावती विद्यापीठ व डॉ.पंजाबराव देशमुख विधी महाविद्यालयाच्या संयुक्त विद्यमाने आंतर महाविद्यालयीन बॉल बॅडमिंटन महिला स्पर्धेचे आयोजन दिनांक 8 ते 10 जानेवारी 2025 दरम्यान करण्यात आले होते.
छत्रपती शिवाजी कला महाविद्यालयाने सर्वप्रथम दोन संघावर मात करून उप उपांत्य फेरीत प्रवेश मिळविला त्यानंतर उप उपांत्य फेरीत डिग्री कॉलेज ऑफ फिजिकल एज्युकेशन, अमरावती संघावर 35-28 व 35-30 अश्या सरळ दोन सेट मध्ये विजयी होऊन उपांत्य फेरीत प्रवेश केला.
त्यानंतर श्री शिवाजी विज्ञान महाविद्यालय अमरावती संघावर सुद्धा सरळ दोन सेट मध्ये 35-32, 35-29 मात करीत दिमाखात अंतिम फेरीत प्रवेश मिळविला. अंतिम फेरीमध्ये शासकीय विदर्भ ज्ञान विज्ञान संस्था, अमरावती संघावर सरळ दोन सेट मध्ये 35- 28, 35-25 मात करत सलग तिसऱ्यांदा संत गाडगेबाबा अमरावती विद्यापीठ आंतर महाविद्यालयीन बॉल बॅडमिंटन महिला स्पर्धेचे अजिंक्यपद पटकावले.
विजयी संघामध्ये कु. पूजा जामोदे, कु. सुवर्णा इंगळे, कु. सेजल वाटाणे, कु. तन्वी मोहोड, कु. श्रद्धा माहुरे, कु. सोनल आमझरे, कु. मनीषा लाटेकर, कु. सानिया शेख, पूनम अटाळकर व रेणुका पेढेकर यांचा समावेश होता.
संघातील विजयी खेळाडूंनी आपल्या या सातत्यपूर्ण यशाचे श्रेय संस्थेचे संस्थापक अध्यक्ष बच्चू कडू, संस्थेचे सचिव भैयासाहेब कडू, माजी प्राचार्य डॉ. हनुमंत लुंगे, कार्यकारी प्राचार्य डॉ. रविंद्र इचे, प्रशिक्षक डॉ. हरीश काळे, अशोक बिजवे व सर्व शिक्षक व शिक्षकेत्तर कर्मचारी यांना दिले आहे.
