कमलसिंह यादव
तालुका प्रतिनिधि पारशिवनी
पारशिवनी :- पारशिवनी तालुक्यात पी.एम.किसान सन्मान निधीसाठी एकूण 13.336 शेतकऱ्यांनी नोंदणी केलेली आहे. त्यापैकी ९७१ लाभार्थी शोधता न येणारे (अनट्रेसेबल), ई-केवायसीसाठी १०२३ लाभार्थी व आधार बँक खात्याशी लिंक नसलेले ६३४ लाभार्थी प्रलंबित आहेत. नोंदणी केलेल्या शेतकऱ्यांपैकी एकूण २६२८ विविध कारणांमुळे लाभार्थी प्रलंबित आहेत.
या शिबिराच्या निमित्ताने या प्रलंबित लाभार्थ्यांना त्रुटी पूर्ण करण्याची संधी मिळणार आहे. ‘अनट्रेसेबल’ साठी ९७१ लाभार्थी आहेत म्हणजेच सदर लाभार्थी यांनी ज्या गावात नोंदणी केली आहे परंतु त्या गावचे रहिवासी नाहीत किंवा ते लाभार्थी बाहेरगावी राहतात.त्यांच्याशी कुठल्याही प्रकारचा कृषि विभागाच्या अधिकारी, कर्मचारी यांच्याशी संपर्क न झाल्यामुळे किवा कुठल्याही इतर कारणामुळे पीएम किसान पोर्टल वरून अपात्र करण्यात आलेले आहेत.
सदर लाभार्थीसाठी दि. १५,१६,१७ जानेवारी या तारखे ला सर्व ग्रामपंचायत निहाय शिबिराचे आयोजन करण्यात आलेले आहे.
सदर शिबिरा मध्ये त्या लाभार्थ्यांना पात्र करण्यात येणार आहे. सदर शिबिराच्या पूर्वतयारी नुसार दि. ९ ते १३ जानेवारी रोजीपर्यंत सर्व ग्रामपंचायतमध्ये ग्रामपंचायत अंतर्गत येणाऱ्या गावांची ‘अनट्रेसेबल’ यादी, ई- केवायसी प्रलंबित, आधार बँक खात्याशी लिंक नसलेले लाभार्थी यांची यादी नोटीस बोर्डवर जाहीर करण्यात आलेली आहे.
सोबतच सर्व पदाधिकारी, सी ए सी केंद्र व इतर विभागाच्या अधिकारी यांना सुद्धा सदर यादी देण्यात आली आहे. जेणेकरून सदर प्रलंबित लाभार्थ्यां पर्यंत वेळेच्या आत पोहोचता येईल.
जे लाभार्थी सदर शिबिराच्या दिवशी उपस्थित राहणार नाही किंवा ज्यांच्या बद्दल कुठलीही माहिती प्राप्त न झाल्यास सदर लाभार्थी यांना कायमस्वरूपी अपात्र करण्यात येईल. तसेच सदर शिबिराच्या दिवशी सन 2022-2023 व 2023-2024 मधील लाभार्थीचे भौतिक तपासणी करण्यात येणार आहे.
तसेच पारशिवनी तालुक्यातील ई-केवायसीसाठी प्रलंबित असलेले व आधार बँक खात्याशी लिंक नसलेले लाभार्थी शेतकरी यांना सुद्धा मार्गदर्शन करण्यात येणार आहे.
पारशिवनी तालुक्यातील पी. एम. किसान सन्मान निधी योजनेसाठी आवेदन केलेल्या सर्व लाभार्थ्यांना आवाहन करण्यात येते की दि.१५, १६, १७ जानेवारीला शिबिराला उपस्थित राहून आपले प्रलंबित असलेले सर्व कामे पूर्ण करून घ्यावेत. जेणेकरून सर्व पात्र लाभार्थी यांना पी.एम. किसान सन्मान निधीचे हप्ते नियोजित वेळेत त्यांच्या खात्यात जमा करता येतील, असे आवाहन पारशिवनी तालुका कृषी अधिकारी राकेश वसु यांनी केले आहे.
तरी अधिकच्या माहितीसाठी तालुका कृषि अधिकारी, मंडळ कृषि अधिकारी, कृषि पर्यवेक्षक, कृषि सहाय्यक यांच्याशी संपर्क करावा.
