दिनेश कुऱ्हाडे

  प्रतिनिधी

आळंदी : शिवसेनेच्या उपनेत्या सुषमा अंधारे यांनी काही दिवसांपूर्वी वारकरी संप्रदायातील आणि संत मांदियाळीतील थोर संत ज्ञानेश्वर महाराज,नामदेव महाराज आणि एकनाथ महाराज यांच्यावर सहेतूक विकृत टीकात्मक विडंबन केले होते.

      तसेच त्यांनी उपास्य दैवत प्रभू रामचंद्र आणि श्रीकृष्ण भगवंत यांच्यावर देखील टीका केली आहे.समाजात संत आणि देवतांची विडंबन केल्यामुळे त्यांच्यावर गुन्हा दाखल करावा,अशी मागणी श्री क्षेत्र आळंदी येथील साईबाबा वारकरी शिक्षण संस्थेच्या वतीने संस्थेचे अध्यक्ष हभप महेश महाराज मडके पाटील यांनी आळंदी पोलिस ठाण्यात निवेदनाद्वारे करण्यात आली आहे. 

      यावेळी साईबाबा वारकरी शिक्षण संस्थेच्या प्रांगणापासुन आळंदी पोलिस स्टेशन पर्यंत सुषमा अंधारे यांची प्रतिकात्मक अंत्ययात्रा काढून आळंदीत वारकऱ्यांकडून निषेध करण्यात आला.

       महाराष्ट्राला शेकडो वर्षांची वारकरी परंपरा ही केवळ संतांच्या विचाराची सेवा आहे. शिवसेना उपनेत्या अंधारे यांच्या वक्तव्यामुळे संप्रदायाच्या भावना दुखावल्या आहेत.भागवत धर्माची उभारणी करणाऱ्या संतांचे असे विकृत टीकात्मक विडंबन करणे निषेधार्ह आहे. 

        त्यामुळे सुषमा अंधारे यांच्यावर गुन्हा दाखल करून योग्य ती कारवाई करावी,अशी मागणी साईबाबा वारकरी शिक्षण संस्थेचे अध्यक्ष महेश महाराज मडके पाटील यांनी निवेदनातंर्गत केली आहे.

    मात्र,शिवसेना पक्षाच्या राज्य उपनेत्या सुषमाताई अंधारे ह्या नेमके काय बोलल्यात,त्यांचे वक्तव्य इतिहासीक पुराव्यानिशी आहे काय?हे त्याच स्पष्ट करु शकतात..

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com