रोहन आदेवार
जिल्हा प्रतिनिधी
यवतमाळ/वर्धा
वणी: राष्ट्रीय मानवधिकार कमीशन संलग्नीत ह्युमन सोशल डेव्हलपमेंट असोसिएशन तर्फे दरवर्षी सामाजिक ,राजनैतिक,आर्थिक, न्याय व शैक्षणिक क्षेत्रातील उल्लेखनिय काम करण्यार्या व्यक्तिचा सन्मान पुरस्कार देवून गौरव करण्यात येतो. यावर्षी हा दिमाखदार पुरस्कार सोहळा निळू फुले नाट्य सभागृह पिपंरी गुरव येथे संपन्न झाला. या कार्यक्रमाचे अध्यक्ष माजी जिल्हाधिकारी श्री.ई.झेड खोब्रागडे तर जीवन गौरव पुरस्कार्थी सिनेअभिनेते अनंत जोग, यशदाचे संशोधन अधिकारी बबन जोगदंडे, लिज्जत पापडचे संचालक सुरेश खोत तर ह्युमन सोशल डेव्हलपमेंट असोसिएशन चे अध्यक्ष कैलास बनसोडे यांच्या प्रमुख उपस्थित लोकमान्य टिळक महाविद्यालय समाजशास्त्र विभाग प्रमुख व रा.से.यो.कार्यक्रम अधिकारी तसेच वक्त्या डॉ.निलीमा विजयराव दवणे यांच्या शिक्षण क्षेत्रातील योगदाना बद्दल त्यांना राज्यस्तरीय शिक्षणरत्न पुरस्कार -२०२२ देवून यथोचित गौरविण्यात आले.
डॉ.निलीमा दवणे यांचे समाजशास्त्र या विषयाचे पुस्तके प्रकाशित असून त्यांचे अनेक शोधनिबंध प्रकाशित आहे.त्या वक्त्या असून विविध विषयावर व्याख्याने दिले आहेत. ते रा.से.यो.कार्यक्रम अधिकारी असून समाज उत्थानाकरीता अनेक उपक्रम राबविले आहेत.;या संपूर्ण योगदाना बाबात त्यांना हा पुरस्कार प्राप्त झाला आहे. राज्यस्तरीय शिक्षण रत्न पुरस्कार मिळाल्याबद्दल शि.प्र.मं चे अध्यक्ष नरेन्द्र नगरवाला,उपाध्यक्ष रमेशराव बोहरा, सचिव अँड लक्ष्मणराव भेदी, सहसचिव अशोकराव सोनटक्के व समस्त संचालक मंडळ तसेच महाविद्यालयाचे प्राचार्य डॉ.प्रसाद खानझोडे,प्राध्यापक व कर्मचारी वृंद यांनी अभिनंदन केले आहे.