कमलसिंह यादव
ग्रामीण जिल्हा प्रतिनिधी
नागपूर
पारशिवनी:-कन्हान पोलीस स्टेशन अंतर्गत खदान नंबर सहा येथे इंदर काॅलरी मॅनेजर आॅफिसच्या मागे व जुन्या दवाखान्याच्या परिसरात भर दिवसा वेकोलीच्या एका सुरक्षा कर्मचाऱ्यावर गोळ्या झाडून त्याचा खुन करण्याचा प्रयत्न केल्याने परिसरात एकच खळखळ माजली आहे.
प्राप्त झालेल्या माहिती नुसार वेकोलि इंदर काॅलरी येथे एम.एस.एफचा कर्मचारी मिलिंद समाधान खोब्रागडे वय ५० हा काही दिवसा पुर्वी खदान मध्ये सुरक्षा कर्मचारी म्हणून नियुक्त झाला होता.
काल ११ डिसेंबर रोजी दुपारी ४ वाजताच्या दरम्यान तो इंदर काॅलरीच्या चेक पोस्टवर कर्तव्यावर रजू होता.त्यावेळी आरोपी समीर सिद्धिकी वय २९ रा.अष्टविनायक काॅलरी टेकाडी व राहुल जोसेफ जेकब वय २६ ला.कांद्री हे एका दुचाकी वाहना वर एका इसमाचा शोध घेत तेथे आले.
सुरक्षा गार्ड मिलिंद याने त्यांना हटकले असता त्या दोघांचा मिलिंद सोबत वाद झाला.रागाच्या भरात आरोपी समीर सिद्दीकी याने आपल्या जवळील पिस्तोल सारखी वस्तु काढून दोन फायर केले यामध्ये मिलींद खोब्रागडे गंभीर रुपाने जख्मी झाला.
त्याला उपचारा साठी कामठीच्या खाजगी रुग्णालय येथे भर्ती केले.तिथे त्याची प्रकृति चिंताजनक सांगितली जात आहे .
सदर घटनेची माहिती मिळताच नागपुर ग्रामीण पोलीस अधिक्षक विशाल आनंद , उपविभागीय पोलीस अधिकारी मुख्तार बागवान,स्थानिक गुन्हे शाखेचे पोलीस निरीक्षक ओमप्रकाश कोकाटे,कन्हान पोलीस निरीक्षक विलास काळे आणि जवळील पोलीस अधिकारी व कर्मचारी घटस्थळी पोहचले व घटना संदर्भात तपास सुरु केला.