भाविक करमनकर
धानोरा तालुका प्रतिनिधि
रांगी येथील रहिवासी तथा कृषी उत्पन्न बाजार समितीचे उपाध्यक्ष श्री नारायणराव महादेव हेमके (७४) यांनी आज दिनांक 11 जून 2024 चे सकाळी 9 च्या दरम्यान पत्नी मरण पावल्याची बतमी ऐकताच अचानक झटका आला आणि पत्नी पाठोपाठ पतीचा ही मृत्यू पावल्याची घटना रांगी येथे घडली.
मागील एक वर्षांपासून श्री नारायनजी हेमके यांची पत्नी वय (65 ) हे आजाराने ग्रस्त होते, त्यांच्यावर उपचार सूरु होता.
मात्र अचानक पत्नी मृत्यू पावल्याची घटना कानी पडताच पती श्री नारायनजी हेमके यांनी सुद्धा आपली प्राण ज्योत विझवली.
त्यांच्या पश्चात 4 मुली व एक मुलगा असा बराच मोठा आप्त परिवार आहे.
वृद्ध काळातही आपल्या पत्नीवर अतूट प्रेम करणारे श्री नारायनजी हेमके यांनी पत्नीची साथ मरे पर्यंत सोडली नाही. त्यांच्या जाण्याने प्रेम जगात आणि समाज मनात एक वेगळीच ओळख करून दिली आहे.
रांगी परिसरातील नावाजलेले व्यक्तिमत्व, अभ्यासू, आणि सर्वांना सहकार्य करणारे अशी त्यांची ओळख होती. जाताना पत्नी प्रेमाची वेगळी ओळख त्यांनी निर्माण केली. त्यांच्या पती पत्नी निधनाने सर्वत्र हळहळ व्यक्त होत आहे.
