सण,उत्सवाच्या दिवशी ध्वनीक्षेपक व वाद्य वाजविण्याची परवानगी दिवस निश्चित…

ऋषी सहारे

  संपादक

गडचिरोली :- केंद्रीय पर्यावरण, वने व वातावरणीय बदल मंत्रालयाच्या ध्वनी प्रदूषण (नियमन व नियंत्रण) नियम, अंतर्गत ध्वनीक्षेपक व ध्वनीवर्धक इत्यादींच्या वापराबाबत श्रोतृगृहे, सभागृहे, सामुहिक सभागृहे आणि मेजवानी कक्ष यासारख्या बंद जागांखेरीज इतर ठिकाणी, जिल्हयाच्या निकडीनुसार वर्षामध्ये 15 दिवस निश्चित करून सकाळी 06 वाजल्यापासून रात्री 12 वाजेपर्यंत सुट जाहिर करण्याकरिता संबंधित जिल्हयाचे जिल्हाधिकारी यांना राज्य शासनाद्वारे प्राधिकृत केलेले आहे. जिल्हाधिकारी यांनी संबंधित ध्वनी प्राधिकरण तथा जिल्हा पोलिस अधिक्षक यांच्याशी सल्ला मसलत करून 15 दिवस जाहिर करण्याचे निर्देश आहेत.

          त्याअनुषंगाने चालु वर्षात (सन 2025) करीता पुढील प्रमाणे दिवस निश्चित करून सण, उत्सवाच्या दिवशी ध्वनीक्षेपक व वाद्य वाजविण्याची परवानगी सकाळी 06.00 वा. ते रात्रो 12.00 वा. पावेतो निर्धारीत करून आदेश निर्गमोत करण्यात आलेली आहे.

          छत्रपती शिवाजी महाराज जयंती। दिवस (दिनांक 19 फेब्रुवारी 2025), डॉ बाबासाहेब आंबेडकर जयंती 1 दिवस (दिनांक 14 एप्रील 2025), 01 में महाराष्ट्र दिन 1 दिवस (दिनांक 1 में 2025), गणपती उत्सव – 4 (पाचवा, सातवा, अनंत चतुर्थदशी व अकरावा दिवस), ईद ए मिलाद 1 दिवस (दिनांक 5 सप्टेंबर 2025), नवरात्री उत्सव/विजयादशमी 3 दिवस (नवमी, विजयादशमी व अकरावा दिवस), दिवाळी 1 दिवस (लक्ष्मीपूजन दिनांक 21 ऑक्टोबर 2025), ख्रिसमस दिवस (दिनांक 25 डिसेंबर 2025), 31 डिसेंबर 1 दिवस, (दिनांक 31 डिसेंबर 2025) जिल्हाधिकारी तथा जिल्हादंडाधिकारी गडचिरोली, सन 2025 या वर्षामध्ये वरीलप्रमाणे 14 दिवस ध्वनी प्रदूषण (नियमन व नियंत्रण) सुधारित नियमाच्या अनुषंगाने ध्वनीक्षेपक ध्वनीवर्धक इत्यादींच्या वापराबाबत श्रोतृगृहे, सभागृहे, सामुहिक सभागृहे आणि मेजवानी कक्ष यासारख्या बंद जागांखेरीज इतर ठिकाणो सकाळी 06.00 वाजल्यापासून ते रात्री 12.00 वाजेपर्यंत ध्वनीक्षेपक व ध्वनीवर्धक यांचा वापर पुढील अटी व शर्तीच्या अधिन राहून या आदेशाद्वारे घोषित करीत आहे.

   1) केंद्रीय पर्यावरण मंत्रालयाच्या ध्वनी प्रदूषण (नियमन व नियंत्रण) नियम 2000 व ध्वनी प्रदूषण (नियमन व नियंत्रण) सुधारित नियम, 2017 च्या नियम 5 उपनियम (3) व त्यासोबत दिलेल्या स्पष्टीकरण यांचे तंतोतंत पालन करावे.

2) जनहित याचिका क्र. 173/2010 मध्ये मा. उच्च न्यायालयाने दिनांक 16 ऑगष्ट 2016 रोजी दिलेल्या आदेशाचे अनुषंगाने ध्वनिक्षेपक व ध्वनिवर्धक वापरण्यात यावे.

3)उपरोक्त अधिसूचनेत घालून दिलेल्या ध्वनी मर्यादेचे व तरतूदींचे उल्लंघन होणार नाही यासाठी आवश्यक त्या उपाययोजना संबंधित विभागाने कराव्या.

4)हो सुट राज्य शासनामार्फत घोषित शांतता क्षेत्रात लागू नाही. सदरचा आदेश जिल्हाधिकारी तथा जिल्हादंडाधिकारी, गडचिरोली यांच्या सही व शिक्क्यानिशी निर्गमीत करण्यात आले आहे.