सावली (सुधाकर दुधे)

 

 महाराष्ट्र पोलीस स्थापना दिनाचे औचित्य साधून पोलीस विभागाच्या वतीने सद्भावना क्रिकेट कप चे आयोजन संत नारायण बाबा क्रीडा संकुल येथे करण्यात आले होते. 

या कार्यक्रमाचे उद्घाटक म्हणून उपविभागीय अधिकारी महादेव खेडकर, सहउद्घाटक उपविभागीय पोलीस अधिकारी मल्लिकार्जुन इंगळे हे होते तर प्रमुख पाहुणे म्हणून दिवाणी व फौजदारी न्यायालयाचे न्यायाधीश अक्षय जगताप, तहसीलदार परिक्षित पाटील, नगराध्यक्ष लता लाकडे, नायब तहसीलदार सागर कांबळे, वन परिक्षेत्र अधिकारी प्रवीण विरुडकर, पत्रकार संघाचे अध्यक्ष मुन्ना स्वामी, सूरज बोम्मावार, व्यापारी असोसिएशनचे अध्यक्ष प्रवीण सुरमवार, अभियंता आठवले हे उपस्थित होते. 

दोन दिवसीय चाललेल्या क्रिकेट सामन्यात पोलीस विभाग, पत्रकार संघ, तहसील विभाग, न्यायालय, वन विभाग, नगरपंचायत ग्रामीण रुग्णालय, व्यापारी असोसिएशन, पंचायत समिती, यांनी सहभाग घेतला तर वनविभाग हे विजयाचे मानकरी तर उपविजेता पंचायत समिती ठरले

सावली पोलीस स्टेशनचे ठाणेदार आशिष बोरकर यांनी आपल्या सुबक कल्पनेतून सद्भावना क्रिकेट कप चे आयोजन केले. यानिमित्ताने सर्व विभागाचे अधिकारी, कर्मचारी तसेच पत्रकार संघ यांच्यात एकोप्याचे दर्शन घडवून आणले. ठाणेदार यांनी राबविलेल्या या उपक्रमामुळे त्यांचे सर्वत्र कौतुक केल्या जात आहे.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com