ऋग्वेद येवले
उपसंपादक
दखल न्युज भारत
साकोली :- नवजीवन कॉन्व्हेंट एंड इंग्लिश प्राय. स्कुल सीबीएसई साकोली येथे महापरिनिर्वाण दिनाचा कार्यक्रम साजरा करण्यात आला. भारतरत्न डॉ. बाबासाहेब आंबेडकर यांच्या महापरिनिर्वाण दिनाच्या कार्यक्रमासाठी अध्यक्ष प्रभारी प्राचार्या भारती व्यास, पर्यवेक्षिका वंदना घोडीचोर, प्रशासकीय अधिकारी विनोद किरपान, सतिश गोटेफोडे उपस्थित होते.
कार्यक्रमाची सुरूवात बाबासाहेबांच्या प्रतिमेचे पूजन करून माल्यार्पण करण्यात आले.
कार्यक्रमाचे अध्यक्षांनी विद्यार्थ्यांना भारतरत्न डॉ. बाबासाहेब आंबेडकर यांच्या जिवनचरित्राविषयी माहिती सांगून आपल्या भारताला संविधान अर्पण करणाऱ्या महामानवाचा सर्व विद्यार्थ्यांनी गुण अंगिकारून देशाच्या विकासासाठी व भवितव्यासाठी प्रयत्नशिल बनावे असे आव्हान केले.
प्रशासकीय अधिकारी विनोद किरपान यांनी ‘शिका, संघटीत व्हा आणि संघर्ष करा’ हा बाबासाहेबांचा मुलमंत्र विद्यार्थ्यांना दिला. शिक्षकवृंद व विद्यार्थ्यांनी गीत गायन करुन उपस्थितांचे मने जिंकली.
कार्यक्रमाच्या यशस्वीतेसाठी शिक्षक व शिक्षकेत्तर कर्मचारी यांचे अत्यंत मोलाचे सहकार्य केले. कार्यकमाचे संचालन सूर्यवंशी मॅडम व आभार सुनीता बडोले यांनी केले.
