नागपूर विभागीय प्रतिनिधी-ऋग्वेद येवले
साकोली -नवजीवन कॉन्व्हेंट एंड इंग्लिश प्राय. स्कुल (सीबीएसई) साकोली येथे महापरिनिर्वाण दिनाचा कार्यक्रम साजरा करण्यात आला. भारतरत्न डॉ. बाबासाहेब आंबेडकर यांच्या महापरिनिर्वाण दिनाच्या कार्यक्रमासाठी अध्यक्ष प्राचार्य मुजम्मिल सय्यद, पर्यवेक्षिका शर्मिला कछवाह, वरिष्ठ शिक्षिका भारती व्यास, विनोद किरपान व सतिश गोटेफोडे उपस्थित होते. कार्यक्रमाची सुरूवात बाबासाहेबांच्या प्रतिमेचे पूजन करून माल्यार्पण करण्यात आले.
कार्यक्रमाचे अध्यक्ष मुजम्मिल सय्यद यांनी विद्यार्थ्यांना भारतरत्न डॉ. बाबासाहेब आंबेडकर यांच्या जिवनचरित्राविषयी माहिती सांगून आपल्या भारताला संविधान करणाऱ्या महामानवाचा आज महापरिनिर्वाण दिनानिमित्त सर्व विद्यार्थ्यांनी भारतरत्न डॉ. बाबासाहेबांचे गुण अंगिकारून देशाच्या विकासासाठी व भवितव्यासाठी प्रयत्नशिल बनावे असे आव्हान केले. रोझी पठान यांनी ‘शिका, संघटीत व्हा आणि संघर्ष करा’ हा बाबासाहेबांचा मुलमंत्र विद्यार्थ्यांना दिला. कार्यक्रमाच्या यशस्वीतेसाठी शिक्षक व शिक्षकेत्तर कर्मचारी यांचे अत्यंत मोलाचे सहकार्य केले. कार्यक्रमाचे संचालन रोझी पठान व आभार चंद्रकांत भावे सर यांनी केले.