भूमी अभिलेख कार्यातील अनागोदी कारभारा मुळे विधानसभा क्षेत्राचे आमदार समीर कुणावार झाले संतप्त.. — भ्रष्ट अधिकाऱ्यांना आमदार समीर कुणावारांचे खडे बोल.. — महशुल मंत्र्यांनी लावली उच्चस्तरीय चौकशी..

 

 ज़ाकिर सैय्यद

जिल्हा प्रतिनिधी वर्धा

हिंगणघाट : येथील कायार्लयात सामान्य जनतेची कोणतेही कामें चिरी-मिरी घेतल्या शिवाय होत नाही.गोर-गरीब जनतेची या कार्लयाशी संबंधित दलाल लूट करीत असल्याची वार्ता आमदार कुणावार यांचेकडे वारंवार आली.

            जनतेच्या तक्रारीची दखल घेत आमदार यांनी थेट हिंगणघाटचे भुमी अभिलेख कार्यालय गाठले आणि उपविभागीय अधिकारी शिल्पा सोनाले,परिविक्षाधिन उपविभागीय अधिकारी वीरेंद्र जाधव,तहसीलदार सतीश मासाड यांना भूमी अभिलेख कार्यालयाच्या भोंगड़ कारभाराची चौकशी करण्याचे निर्देश दिले.

       या वेळी प्रभारी भूमी अभिलेख विभागाचे उपअधीक्षक सुनील बन उपस्थित होते.आमदार समीर कुणावार यांनी भ्रष्टाचार विरोधात थेट महसूल मंत्री ना.राधाकृष्ण विखे पाटिल यांना माहिती दिली.

             प्रभारी उपअधीक्षक सुनील बन तसेच दोषी अधिकारी व कर्मचाऱ्यांची उपसंचालय भूमी अभिलेख यांचे द्वारा सखोल चौकशी करावी व संबंधितांवर कायदेशीर कार्रवाई करावी अशा आशयाची मागणी केली.

            मंत्री महोदयानी सुध्दा आमदार समीर कुणावार यांच्या मागणीची दखल घेऊन उच्चस्तरीय चौकशी करण्याचे आदेश तात्काळ दिले.

          या कार्यालयात ग्रामीण भागातील तसेच शहरी भागातील शेती,भूखंड इतर स्थावर मालमत्ता या संबंधी अभिलेख नोंदी केले जातात.परंतु येथील कोणतेही कामे दलालाचे मध्यस्थी शिवाय केले जात नाही.

         भूकरमापक मोठी वसूली करीत असून प्रत्येक कर्मचाऱ्यांनी दलालांची नेमनुक केली असल्याची तक्रार या वेळी उपस्थित जनतेंनी केली.

          अशा पध्दतीची वसूली करणारे इतर सरकारी कार्यालयातील महाभाग आहेत. ज्या कार्यालयात भ्रष्टाचारातंर्गत भोगड कारभार सुरु आहे अशा कार्यालयाचा नंबर चौकशी करीता पुढे असणार काय?