दिनेश कुऱ्हाडे

प्रतिनिधी

आळंदी : राज्यपालांकडून महापुरुषांचा वारंवार अपमान करून महाराष्ट्राची प्रतिमा मलिन करण्याचा प्रकार सुरु आहे.​ यामुळे महाराष्ट्रातील जनतेच्या भावना दुखावल्या असून​ राज्यपाल भगतसिंह कोश्यारी या प्रवृत्तीची तात्काळ हकालपट्टी करा, अशी मागणी शिवसेनेचे तालुका संपर्कप्रमुख अशोकराव खांडेभराड यांनी ​आज आळंदी येथे ​केली.

 

राज्यपाल कोश्यारी यांनी वारंवार अवमानकारक वक्त्यव्य करून महाराष्ट्रातील जनतेच्या भावना दुखावण्याचा काम के​ले​ आहे. कोश्यारी ही प्रवृत्ती ​असून या प्रवृत्तीला ठे​चले​ पाहिजे.​दिल्लीच्या बादशाहला खुश करण्यासाठी बेताल वक्तव्य करत असतील तर ते आम्ही सहन करणार नाही,कोश्यारी यांना त्वरीत हटवा नाहीतर अधिक तीव्र आंदोलन असा इशारा खांडेभराड यांनी दिला.

 

आळंदी येथील छत्रपती शिवाजी महाराज स्मारक येथे शिवसेना युवासेना आळंदी शहर शाखेच्या वतीने राज्यपाल कोश्यारी यांनी छत्रपती शिवाजी महाराज यांच्याबद्दल काढलेल्या अपशब्दाबद्दल तीव्र निषेध करण्यात आला.यावेळी राज्यपाल कोश्यारी गो बॅक, जय भवानी जय शिवाजी अशा घोषणा देण्यात आल्या.

 

यावेळी शिवसेना खेड तालुका संपर्कप्रमुख अशोक खांडेभराड, उत्तम गोगावले,शिवसेना शहरप्रमुख अविनाश तापकीर,मा.नगरसेवक आनंदराव मुंगसे,रमेश गोगावले,शैला तापकीर,संदीप पगडे,तुषार नहार,शशिराजे जाधव,मंगेश तिताडे,बालाजी शिंदे,संगीता फफाळ,श्रीमती अनिता झुझम,उषा ननवरे,अनिता शिंदे,शुभंगी यादव,संतोषी पांडे,भरती वाघमारे,विजया विसपुरे,शारदा लांडे,निखिल तापकीर,आशिष गोगावले व मोठ्या संख्येने शिवसैनिक उपस्थित होते.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com