रामदास ठुसे
विशेष विभागीय प्रतिनिधी
चिमूर –
महाराष्ट्र राज्य अंगणवाडी कर्मचारी सभाचे कार्याध्यक्ष इमरान कुरेशी यांच्या नेतृत्वात बुधवार ३ जानेवारीला दुपारी एक वाजता मानधन वाढ,पेंशन,नविन मोबाईल रिचार्ज रक्कम वाढविने,सेवा निवृत्तीची एक रकमी रक्कम त्वरीत देण्यात यावी,वैद्यकीय रजा मंजुर करण्यात यावी,बचतगटाची आहार पुरवठा व समृध्दी आहाराची रक्कम वाढविण्यात यावी व इतर मागन्यासाठी हुतात्मा स्मारक येथुन निघून अंगणवाडी ताईचा मोर्चा थेट चिमूर बाल विकास प्रकल्प अधिकारी यांच्या कार्यालयावर धडकणार आहे.
गेली ४८ वर्षे कशाची ही तमा न बाळगता अविरत सेवा देनाऱ्या सरकारच्या प्रत्येक कार्यात सहभाग घेनाऱ्या अंगणवाडी ताई महागाईने भरडल्या आहेत.
त्यांच्याकडे कोणी लक्ष द्यायला तयार नाहीत.त्यामुळे बुधवारला निराश अंगणवाडी कर्मचाऱ्यांनी केंद्र सरकार व राज्य सरकार विरोधात विवीध मागण्यांसाठी मोर्चा आयोजीत केला आहे.
सदर मोर्च्यात मोठ्या संख्येने अंगणवाडी ताईंनी व बचतगट प्रतिनिधींनी सहभागी व्हावे असे आवाहन
माधुरी रमेश विर चिमुर,प्रभा विश्वनाथ चामटकर नागभीड,लता राजु देवगडे भद्रावती,ललीता सोनुले मुल,विद्या वारजुकर ब्रम्हपुरी,संयोगिता गेडाम सिंदेवाही,अन्नपुर्णा हिरादेवे वरोरा,रोशनी चंदेल अध्यक्ष चिमुर,तालुका बचत गट आहार पुरवठा संघटना यांनी केले आहे.
