ऋषी सहारे
संपादक
गडचिरोली :- महाराष्ट्र शासनाच्या क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय, गडचिरोली च्या वतीने गडचिरोली जिल्ह्यातील गुणवंत क्रीडा मार्गदर्शक पुरस्कार एक व गुणवंत खेळाडू पुरस्कार तीन (एक महिला एक पुरुष व एक दिव्यांग खेळाडू) यांच्या कार्याचे / योगदानाचे मुल्यमापन होवून त्यांचा गौरव व्हावा व प्रोत्साहन मिळावे या उद्देशाने गुणवंत क्रीडा मार्गदर्शक, गुणवंत खेळाडू (पुरुष, महिला व दिव्यांग गुणवंत खेळाडू) यांना सन २०२३-२४ या वर्षातील पुरस्कार द्यावयाचा असल्याने गडचिरोली जिल्ह्यातील पात्र खेळाडू / क्रीडा मार्गदर्शक यांचेकडून प्रस्ताव मागणी करण्यात येत आहे. पुरस्काराकरीता कामगीरीचा कालावधी दि. ०१ जुलै २०१९ ते दि. ३० जून २०२४ हा ग्राह्य राहील. पुरस्काराचे स्वरुप प्रमाणपत्र, स्मृतिचिन्ह आणि रोख पारीतोषीक रक्कम रु. १०,०००/- असे आहे.
. पुरस्काराचे निकष
(१) पुरस्कारासाठी अर्ज करणाऱ्या अर्जदाराचे महाराष्ट्रात सलग १५ वर्ष वास्तव्य असले पाहिजे
(२) क्रीडा मार्गदर्शक म्हणून सतत दहा वर्षे महाराष्ट्रात क्रीडा मार्गदर्शनाचे कार्य केले असले पाहिजे व त्याने वयाची ३५ वर्षे पूर्ण केलेली असणे आवश्यक आहे. गुणांकनाकरीता त्या जिल्ह्यातील खेळाडूंचीच कामगिरी ग्राह्य धरली जाईल
(३) दिव्यांग खेळाडू व गुणवंत खेळाडूने पुरस्कार वर्षासह लगतपूर्व ५ वर्षापेकी २ वर्षे त्या जिल्ह्याचे मान्यताप्राप्त खेळांच्या अधिकृत स्पर्धामध्ये प्रतिनिधीत्व केले असले पाहिजे.
(४) एका जिल्ह्यामध्ये जिल्हा क्रीडा पुरस्कार प्राप्त करणारी व्यक्ती राज्यातील अन्य जिल्ह्यात जिल्हा क्रीडा पुरस्कारासाठी अर्ज करण्यास पात्र राहणार नाही.
(५) एकदा एका खेळामध्ये किंवा एका प्रवर्गामध्ये जिल्हा क्रीडा पुरस्कार प्राप्त केलेली व्यक्ती पुन्हा त्याच खेळात किंवा प्रवर्गात जिल्हा क्रीडा पुरस्कार मिळण्यास पात्र राहणार नाही.
टिप्पणीत नमुद पुरस्काराकरीता अर्जासोबत सादर करण्यात आलेले प्रमाणपत्र व इतर कागदपत्रे पुन्हा पुन्हा (अनेकवेळा) सादर करु नयेत. अर्जदाराने सादर केलेले कागदपत्रे सत्य असणे हे अनिवार्य आहे. चूकीची अथवा बनावट कागदपत्रे सादर केल्यास व नियमाला अनुसरुन नसल्यास अशा दस्ताचा विचार केला जाणार नाही, अर्जासोबत चारित्र प्रमाणपत्र जोडणे अनिवार्य असेल.
विहीत नमुन्यातील अर्ज आणि पुरस्काराच्या अटी व शर्तों आणि अधिक माहितीसाठी इच्छुकांनी जिल्हा क्रीडा अधिकारी कार्यालय, क्रीडा व सांस्कृती भवन, कॉम्पलेक्स, गडचिरोली येथे कार्यालयीन वेळेत अर्ज प्राप्त करुन घेवून सदरचे परिपूर्ण अर्ज आवश्यक दस्तासह सिल बंद लीफाफ्यात दि. २० जानेवारी, २०२५ पर्यंत या कार्यालयास सादर करावेत. विहीत मुदतीनंतर अर्ज स्विकारले जाणार नाही, याची कृपया नोंद घ्यावी असे जिल्हा क्रीडा अधिकारी, गडचिरोली भास्कर घटाळे यांनी कळविले आहे.
