जगदिश वेन्नम

   संपादक

 

गडचिरोली, दि.01 : राज्यासह जिल्हयात सुरू असलेल्या चला जाणुया नदीला अभियानांतर्गत गडचिरोलीतील खोब्रागडी, कठाणी व पोटफोडी नदीची माहिती एकत्रित करून त्यावरती एक आराखडा तयार करण्यात येत आहे. याबाबत जिल्हाधिकारी संजय मीणा यांनी याबाबत समिती सदस्य विभागांना सूचना केल्या आहेत. या नदी संवाद अभियानात जनसामान्यांना नदीसाक्षर करण्यात येणार आहे. त्यांच्या मदतीने माहितीचे एकत्रिकरण करून प्रचार व प्रसार या अभियानांतर्गत सुरू आहे. राज्यात आता 1 ते 31 डिसेंबर पर्यंत अभियानाचा दुसरा टप्पा राबविण्यात येत आहे. या अभियानात नद्यांवरील अतिक्रमण, शोषण व प्रदुषण या तीन प्रमुख कारणांचा अभ्यास करून त्याचा परिणाम अभ्यासला जाणार आहे. या बैठकीला समिती सदस्य सचिव कार्यालयाचे प्रमुख तथा मुख्य जिल्हा वनसंरक्षक डॉ.किशोर मानकर, पद्माकर पाटील अधीक्षक अभियंता चंद्रपूर पाटबंधारे प्रकल्प मंडळ, जिल्हा अधीक्षक कृषी अधिकारी बसवराज मास्तोळी, जिल्हा माहिती अधिकारी सचिन अडसूळ, श्री इंगोले जिल्हा जलसंधारण अधिकारी, उपअभियंता पाटबंधारे विभाग गणेश परदेशी तसेच तीनही नदीसाठी निवडण्यात आलेले समन्वयक उपस्थित होते.

 

स्वातंत्र्याचा अमृत महोत्सवानिमित्त चला जाणुया नदीला या अभियानांतर्गत नदी संवाद यात्रेची सुरूवात 2 ऑक्टोबर पासून राज्यात सुरू आहे. 15 ऑक्टोबर रोजी जिल्हयात तीनही नद्यांच्या काठी जल पुजन व संवाद यात्रेचे आयोजन करण्यात आले होते. आता पुढिल टप्प्यात गावागावात जनजागृती करून लोकांना नदीसाक्षर करण्यासाठी कार्यक्रमांचे आयोजन समन्वयक करतील. तसेच नदींबाबतची माहितीही एकत्रित करून ती जिल्हास्तरावर सादर केली जाणार आहे. 26 जानेवारी 2023 रोजी पर्यंत या अभियानाची मुदत आहे. स्थानिक पातळीवरती नदीच्या समस्या आणि त्यावरील संभाव्य उपाय याबाबत उपक्रम विभिन्न घटकांपर्यंत शालेय विद्यार्थ्यांमार्फत तसेच लोकसहभागातून समन्वयकांद्वारे राबविण्यात यावेत याबबतच्या सूचना यावेळी देण्यात आल्या.

 

गडचिरोली जिल्हयात चला जाणूया नदीला या अभियानासाठी खोब्रागडी नदीकरीता समन्वयक म्हणून सतिश गोगुलवार व केशव गुर्नुळे काम पाहणार आहेत. तसेच कठाणी नदीसाठी मनोहर हेपट व उमेश माहारे काम पाहतील. पोहार पोटफोडी नदीसाठी समन्वयक म्हणून प्रकाश अर्जनवार व प्रो. दिपक ठाकरे काम पाहणार आहेत.

0Shares

By Dakhal News Bharat

भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (IntermediaryGuidelines and Digital Media Ethics Code- Rules 2021) मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत सदर न्यूजपोर्टल Digital Media Publishers & News Portal Grievance Council of India” स्वनियमन संस्थेकडे (Rule १८नुसार) Reg. No- DMPNPGCI007 नोंदणीकृत आहे. डिजिटल माध्यमांसाठीच्या आचारसंहितेनुसार आम्ही पालन करतो. तरीही एखाद्या बातमीविषयी आपली तक्रार असल्यास भारत सरकारच्या कायद्यानुसार स्वनियमन संस्थेकडे विहित नमुन्यात अर्ज करू शकता. newsportalpublishergrievances@gmail.com

Top News