उमेश कांबळे ता प्र भद्रावती :
स्थानिक कृषी उत्पन्न बाजार समितीच्या संचालक मंडळाची पंचवार्षिक निवडणूक दि. ३० एप्रिल रोजी पार पडली. तालुक्यातील जि. प. शाळा, भद्रावती, जि. प. शाळा, नंदोरी, जि. प. शाळा, चंदनखेडा, येथील एकूण आठ मतदान केंद्रावर शांततेत मतदान पार पडले होते.
या सर्व मतदान केंद्रावर तब्बल १७ जागांसाठी ११७२ मतदार पैकी ११२८ मतदारांनी आपला मतदानाचा हक्क बजावला होता.मतदान प्रक्रियेत एकूण ९६% मतदान झाले होते.
ग्रामपंचायत आर्थिक दृष्ट्या दुर्बल घटकातून शिवसेना (ठाकरे) गटातील शेतकरी सहकार शिवसेना पैनलचे मोहन व्यंकटी भुक्या हा उमेदवार आधीच अविरोध निवडून आलेला होता.
रवि शिंदे यांच्या नेतृत्वातील शेतकरी सहकार शिवसेना पैनलचे सेवा सहकारी संस्था सर्वसाधारण गटातून ताजने भास्कर लटारी, डुकरे ज्ञानेश्वर राजाराम, आगलावे मनोहर शत्रुघ्न, घुगल विनोद बापुराव, जांभूळकर शरद महादेव, तिखट भास्कर लटारी, उताणे गजानन दीनाजी,तर सेवा सहकारी संस्था महिला राखीव गटातून आश्लेषा शरद जीवतोडे, शांताबाई लटारी रासेकर, सेवा सहकारी संस्था इतर मागासवर्गीय गटातून ताजने परमेश्वर सदाशिव, सेवा सहकारी संस्था विमुक्त जाती/भटक्या जमाती गटातून शामदेव गणबाजी कापटे असे एकूण १२ उमेदवार निवडून आलेले आहेत.
मात्र,काँग्रेस पक्षाचे खासदार बाळू धानोरकर व आमदार प्रतिभा धानोरकर यांच्या नेतृत्वातील शेतकरी विकास पैनलचे ग्रामपंचायत सर्वसाधारण गटातून राजेंद्र गजानन डोंगे, प्रवीण संबाशिव बांदुरकर, ग्रामपंचायत अनुसूचित जाती/जमाती गटातून अतुल विठ्ठल जीवतोडे, अडते व व्यापारी गटातून भानुदास वासुदेव गायकवाड, अनिल भानुदास चौधरी तथा हमाल व मापारी गटातून राजू पुरुषोत्तम आसुटकर असे एकूण ६ उमेदवार निवडून आले.
या बाजार समितीच्या निवडणूक रणसंग्रामात महाविकास आघाडीतील शिवसेना (ठाकरे) पक्षाकडून वरोरा-भद्रावती विधानसभा प्रमुख तथा सामाजिक कार्यकर्ते रविंद्र शिंदे यांच्या नेतृत्वातील शेतकरी सहकार शिवसेना पैनल विरोधात काँग्रेस कडून खासदार बाळू धानोरकर व आमदार प्रतिभा धानोरकर यांच्या नेतृत्वातील शेतकरी विकास पैनल यांच्यात लढत होती.
त्यामुळे दोन्ही पक्षाच्या नेतृत्वाची राजकीय प्रतिष्ठा पणाला लागली होती. यात शिवसेना (ठाकरे) पक्षाचे वरोरा-भद्रावती विधानसभा प्रमुख तथा सामाजिक कार्यकर्ते रविंद्र शिंदे यांच्या नेतृत्वातील शेतकरी सहकार शिवसेना पैनलने बाजी मारली आहे व रवींद्र शिंदे यांची सरशी झाली आहे.
वरोरा व भद्रावती बाजार समितीच्या निवडणूक निकालाने वरोरा विधानसभा क्षेत्रातील राजकीय श्रेष्ठत्व तूर्तास जरी स्पष्ट झाले असले तरी ही स्थानिक पदाधिकारी व कार्यकर्त्यांची निवडणूक होती. आगामी राजकीय प्रवास हा दोन्ही पक्षांतील नेतृत्वास कस लावणारा आहे, असे जाणकार म्हणतात.
वरोरा विधानसभा क्षेत्रातील वरोरा कृषी उत्पन्न बाजार समितीच्या संचालक मंडळाची पंचवार्षिक निवडणूकीचा काल (दि.२९) ला आलेल्या निकालानुसार शिवसेना (ठाकरे) पक्षाचे वरोरा-भद्रावती विधानसभा प्रमुख तथा सामाजिक कार्यकर्ते रविंद्र शिंदे, सामाजिक कार्यकर्ते रमेश राजूरकर, सामाजिक कार्यकर्ते डॉ. विजय देवतळे, सामाजिक कार्यकर्ते जयंत टेमुर्डे, करण देवतळे, यांच्या शेतकरी सहकार परिवर्तन आघाडी पैनलच्या बाजूने मतदारांनी कौल दिला होता. तर भद्रावती कृषी उत्पन्न बाजार समितीच्या संचालक मंडळाच्या आज (दि.३०) ला झालेल्या पंचवार्षिक निवडणूकीच्या प्रत्यक्ष मतदान प्रक्रियेत मतदारांनी वरोऱ्याच्या निकालाची पुनरावृत्ती करत रवींद्र शिंदे यांचे नेतृत्वाकडे भक्कम कौल दिल्याचे दिसून येत आहे.
शिवसेना (ठाकरे) पक्षाकडून उपजिल्हा प्रमुख भास्कर ताजणे, तालुका प्रमुख तथा नगरसेवक नरेंद्र पढाल, भद्रावती नागरी सहकारी पत संस्थेचे माजी अध्यक्ष तथा विद्यमान संचालक व माजी नगराध्यक्ष ज्ञानेश्वर डूकरे, माजी नगरसेवक तथा गुरुजी फाऊन्डेशचे अध्यक्ष प्रशांत कारेकर, अखील भारतीय सरपंच संघटनेचे तालुका अध्यक्ष तथा पानवडाळा ग्रा.पं. सरपंच प्रदिप महाकुलकर, मुधोली ग्रा.पं. सरपंच बंडू पा. नन्नावरे, नंदोरी ग्रा.पं. उपसरपंच मंगेश भोयर, मुरसा ग्रा.पं. उपसरंपच सुनिल मोरे, भद्रावती कृ. उ. बा.स. च्या माजी उपसभापती अश्लेषा जीवतोडे-भोयर, शांता रासेकर, डॉ. नब्बू दाते, संजय तोगट्टीवार, युवराज इंगळे, यांच्यासह तालुक्यातील ग्रा.पं. सरपंच, उपसरपंच, ग्रा.पं. सदस्य, सेवा सहकारी संस्थेचे पदाधिकारी व सदस्य यांच्यासह असंख्य शिवसैनिक व कार्यकर्ते या सर्वांचा या यशात सहभाग असल्याचे सांगण्यात आले आहे.
निवडणूक निर्णय अधिकारी एस.एच. संधू, वरोरा यांनी काम बघितले. नायब तहसीलदार मलिक पठाण, पोलीस सहायक निरीक्षक सुधीर वर्मा यांचे नेतृत्वात पी एस.आय. किटे यांनी काम पाहिले.
